WSBK

Хаслам ќе му се приклучи на Реа во фабричкиот тим на Kawasaki

Леон Хаслам вели дека би бил луд доколку ја одбие можноста да вози покрај Џонатан Реа во Супербајк серијата.

Следете нè на:

 

Ваквата реакција на Хаслам следува откако зачестија гласините за негов премин во фабричкиот тим на Kawasaki. Се верува дека Британскиот возач е во преговори со шефовите на Kawasaki во однос на можноста да го замени Том Сајкс. Тимскиот шеф, Гим Рода не ги негираше информациите дека се сретнал со поранешниот вицешампион. Иако Хаслам вели дека се уште нема потпишано никаков договор, нашите извори велат дека е блиску до такво нешто.

HaslamRea

„Јас сум вработен во Kawasaki и тие одлучуваат каква ќе биде мојата иднина,“ изјави Хаслам. „Навистина сум задоволен од она што го правам за Kawasaki во Британскиот шампионат како и сите други работи меѓу кои се и тестирањата во Јапонија и неколкуте трки од Супербајк шампионат.“

„Точно е дека тие покажаа интерес но се уште ништо не е потпишано. Би било остварување на сонот да настапувам за KRT во Светскиот Супербајк шампионат и би бил луд доколку не ја разгледам нивната понуда.“

„Се надевам дека ќе знаеме нешто повеќе во следните неколку недели. Сѐ уште нема никаква потврда ниту во тимовите на Ducati и Yamaha, а има и неколку возачи кои сакаат да се вратат повторно во MotoGP. Во моментов сум фокусиран на освојување на Британскиот шампионат и засега сме во навистина добра позиција.“

Хаслам го имаше своето деби во серијата во 2003 година со тимот на Renegade Ducati. На крајот на сезоната заврши на осмата позиција. Потоа замина во Британскиот шампионат каде што остана до 2009 година. Потоа повторно беше дел од Супербајк шампионатот каде што остана до 2015 година остварувајќи притоа пет победи и 39 места на подиумот.

Ова нема да биде прва соработка на Хаслам со Џонатан Реа откако двоецот заедно возеше и во тимот на Pata Yamaha во сезоната 2013/2014. Засега сѐ уште не се знае каква ќе биде судбината на Том Сајкс. Постојат шанси Британецот да премине во тимот на GRT Yamaha доколку тие одлучат да ја напуштат Суперспорт категоријата или пак да премине во Британската Супербајк серија.

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!