23
Пет, Јун
WSBK

Дорна се подготвува да го ограничи WSBK

Фанови на Светскиот Супербајк Шампионат внимавајте, Дорна најави нови правила за намалување на трошоците кои ќе почнат да се применуваат од 2014 година.

Следете нè на:

 

dorna-wsbkСе обидува ли Дорна намерно да ја намали популарноста на WSBK?

Фанови на Светскиот Супербајк Шампионат внимавајте, Дорна најави нови правила за намалување на трошоците кои ќе почнат да се применуваат од 2014 година.

Дорна ги купи правата за шампионатот кон крајот на 2012 година и оттогаш тие се во жестока дискусија со FIM и MSMA.

Дорна тврди дека новите правила се дизајнирани за да ги намалат трошоците на тимовите.  Во новите правила ќе биде вклучена максималната цена за сите мотоцикли кои се натпреваруваат во шампионатот, ограничување на бројот на мотори кои можат да се искористат во една сезона и ограничување на бројот на  делови кои ќе можат да се сменат. Се шпекулира дека минатата сезона Макс Бијаџи имал нов мотор на секоја трка. MotoGP тимовите се ограничени на 5 мотори за цела сезоната.

Во изминативе неколку години, статусот на MotoGP-кој исто така е во сопственост на Дорна- беше загрозен од светскиот Супербајк шампионат. Бројот на мотоцикли во MotoGP се намалуваше, а во Светскиот Супербајк шампионат растеше. Времињата кои ги постигнуваат во WSBK се исто така подобри од времињата кои ги постигнуваат некои од MotoGP тимовите. Тоа беше доволна причина за Дорна да ги купи правата за WSBK серијата.

Дорна изјави дека новите правила ќе бидат применети во три фази и во текот на три сезони. Дел од WSBK тимовите се загрижени бидејќи имаат вложено многу пари и време за да го достигнат ова ниво.

Дорна исто така сака да воведе и нова EVO класа која ќе биде дел од WSBK. EVO класата во основа ќе биде фабрички мотор (сериски произведен), но ќе има и делови кои ги имаат WSBK мотоциклите. Дорна сеуште нема одлучено дали EVO класата ќе користи фабричка електроника и дали ќе се користи контрола на тракцијата.

Доколку ова се оствари, најголем трошок за тимовите ќе биде транспортот на екипата и мотоциклите низ светот. Во интервју за Crash.net, Џереми Меквилијамс кој води еден Суперспорт тим изјави: „Доколку комплетно се ослободите од електрониката ќе заштедите само 15.000 евра. Сепак транспортот и понатаму ќе биде многу скап.”

Едно нешто е сигурно: Дорна сака да го ограничи потенцијалот на Светскиот Супербајк шампионат.  Овие нови правила можеби ќе заштедат пари но исто така ќе бидат и осигурување дека WSBK тимовите нема да го загрозат времето кое го постигнуваат MotoGP тимовите.

 

comments

Би можело да ве интересира

„Викендот во Каталуња, вклучувајќи го и тестот беше навистина големо искуство за мене. Сакам да го искористам знаењето кое го стекнав за да остварам што е можно подобар резултат“ – Јохан Зарко.

„Секако дека временските услови секогаш се непредвидливи и прават работите да се менуваат многу брзо. Затоа мораме да бидеме подготвени да се адаптираме исто како што направивме минатата сезона и во 2014 година“ – Марк Маркез

Откако на големо изненадување, прилично рано беше објавен календарот за следната сезона во Формула 1, се поставува прашањето како тоа ќе влијае на MotoGP календарот за следната сезона.

Германецот кој настапува за тимот Tech 3 Yamaha се најде пред двајцата фабрички возачи, како на двете сесии така и на трката. Тимот на Ерв Поншарал ја продолжи серијата на импресивни настапи.

Motul повторно е официјален лубрикант на трофејот Isle of Man. Од 5-ти до 9-ти јуни, три тима со техничка поддрша од страна на Француската компанија остварија победи на трката која постои од 1911 година.

Популарноста на мотоциклот доаѓа од комбинацијата на пристојни перформанси, бројот на вртежи како и просторот за багаж. На тоа може да се додаде и неговата издржливост, квалитет како и атрактивната цена.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!