WSBK

Aprilia се враќа во Супербајк шампионатот со Лаверти

„Возбуден сум што се враќам во Светскиот Супербајк Шампионат со тимот на Aprilia. Имав голем успех таму и тоа беше одличен период“ – Јуџин Лаверти

Следете нè на:

 

Aprilia ќе ги здружи силите со тимот на Шон Мунир, SMR, и следната сезона ќе се врати како фабрички тим во Светскиот Супербајк Шампионат. Главен возач ќе биде Јуџин Лаверти.

Во видео објавено на официјалната интернет страна на Светскиот Супербајк Шампионат, Лаверти изјави: „Возбуден сум што се враќам во Светскиот Супербајк Шампионат со тимот на Aprilia. Имав голем успех таму и тоа беше одличен период .“

laverti aprilia

„Да се вратам во фабрички тим на Aprilia и да имам шанси за победа и борба за титулата е нешто поинакво и нешто за што сум навистина подготвен.“

„Следната година ќе биде многу возбудлива. Ќе има многу добри возачи. Ќе биде навистина компетитивна.“

„Важно е да имаш фабричка поддршка и фабрички инжињери. Добро го познавам тимот SRM и убеден сум дека имаат сила да се борат за титулата.“

Aprilia, која освои титули во WSBK во 2010,2012 и 2014 година, ќе продолжи со техничките подобрувања на RSV4 а тимот на Мунир ќе биде задолжен за тркачкиот тим.

SMR ја освои Британската Супербајк титула со Томи Хил во 2011 година и со Џош Брукс во 2015 година пред да преминат во WSBK оваа сезона. Во моментов за нив настапуваат Брукс и Карел Абрахам но тие се наоѓаат на 15. и 18. место во шампионатот.

Aprilia го затвори својот тим во WSBK на крајот на 2014 година за да се фокусира на враќање во MotoGP, но сепак учествуваше во натпреварувањето преку сателитскиот тим Red Devils Roma.

Откако таа соработка заврши, беше постигнат договор со IodaRacing со цел RSV4 да остане на патеката оваа сезона.

Дебитантот Лоренцо Савадори шест пати заврши меѓу првите шест возачи на трките и во моментов се наоѓа на деветото место во генералниот пласман а настапува на мотоцикл на кој речиси и да нема никакви подобрувања.

Се чини дека Aprilia е во искушение повторно да се врати во WSBK со оглед на тоа дека има реални шанси да се бори за победи, без товарот што го носи да имаш сопствен тим.

Савадори има големи шанси да се префрли во проектот SMR,  а неодамна и шефот на Loda, Џампиеро Саки изјави дека тие ќе имаат голема корист од новиот тим на Aprilia.

Би можело да ве интересира

We, The Riders - Ние возачите, сме возачи од целиот свет. Имаме различни професии и изгледаме различно. Но имаме едно нешто кое не обединува:  Радоста додека возиме.

Скот Рединг се извини за забелешките кои ги упати кон Aprilia по завршувањето на Австриската Гран При трка, а во кои зборуваше за недостатокот од развој и прогрес на RS-GP машината.

Можеби изгледа како застрашувачка визија за иднината, но роботот на Акрапович му овозможува на Словенечкиот специјалист за издуви да ги тестира своите производи на еден високо технолошки начин.

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!