Повеќе пати сме пишувале за различните работи што ги користат крадците за да ги измамат сопствениците на мотоцикли.

Еве уште еден инцидент  што се случи во северна Англија, во близина на Мидлзборо.

Дејвид Робинсон, сакал да го продаде својот мотоцикл KTM 690 SMC. Во два месеци колку што го има, тој само еднаш го возел мотоциклот. Минатата недела тој бил во болница и одлучил дека е добра идеја да го продаде мотоциклот.

Неговата цена била 1700 фунти, што е пристојна сум за мотоцикл. Робинсон бил контактиран преку телефон и заинтересираното лице се појавило во неговиот дом.

Купувачот го проверил мотоциклот и му рекол дека сака да го проба пред да одлучи дали ќе го купи или не. Бидејќи вакви работи се нормални кога купувате користен мотоцикл, Робинсон му ги дал клучевите. Исто така и му кажал дека има малку бензин во резервоарот за да не вози многу далеку.

Заинтересираниот купувач рекол дека ќе го остави неговиот автомобил како залог. Господинот Робинсон си помислил дека цената на автомобилот е повисока од онаа што тој  ја бара, па му изгледало како добра понуда. Но сепак, тој ги оставил клучевите од колата во бравата.

Откако Робинсон повеќе не можел да го види мотоциклот, излегол на улицата за да се обиде да го пронајде. Во истиот момент, слушнал како се пали автомобилот што му бил оставен.

Откако и двете возила ги снемало, господинот Робинсон заминал да пријави во полиција. Таму му кажале дека автомобилот бил украден претходната ноќ. Случаен минувач изјавил дека забележан некое лице како се крие во близина на гаражата на Робинсон. Сега полицијата трага по крадците но и по мотоциклот и автомобилот.

Back To Top