30
Нед, Апр
Вести од светот

Honda и Yamaha започнаа разговори околу можна соработка

Honda Motor Co., Ltd. и Yamaha Motor Co., Ltd. денеска објавија дека двете компании започнале разговори околу можна бизнис соработка на Јапонскиот пазар. Соработката би се одвивала во категоријата „“Class-1 “, а во која се вклучени скутерите кои имаат зафатнина од 50cc и оние кои имаат електричен мотор.

Следете нè на:

 

Honda Motor Co., Ltd. и Yamaha Motor Co., Ltd. денеска објавија дека двете компании започнале разговори околу можна бизнис соработка на Јапонскиот пазар. Соработката би се одвивала во категоријата „Class-1“, а во која се вклучени скутерите кои имаат зафатнина од 50cc и оние кои имаат електричен мотор.

Како резултат на разновидноста на типовите на превозни средства за кратки релации, во кој се вклучени и велосипедите кои имаат електричен погон и мини- превозните средства,  пазарот за возила кои припаѓаат во категоријата „Class 1“, во изминативе неколку години постојано се шири.

yamaha honda collaboration

Покрај ова, компаниите се соочуваат со разни предизвици, меѓу кои се усогласување со стандардите за безбедност како и емисиите на штетни гасови.

Поради овие околности, Honda и Yamaha дојдоа до заклучок дека потребна е соработка за да се надминат овие предизвици. Според договорот, двете компании ќе соработуваат на Јапонскиот пазар во оваа категорија.

Class 1 категорија:  Категорија дефинирана од Законот за патни возила на Јапонија како „Возила кои се опремени со две или повеќе тркала и мотор кој има зафатнина од 50cc или електричен мотор со моќност од  0.60 kW или помалку.“

Главни работи за кои треба да се разговара во пресрет на соработката

1.Обезбедување на 50cc модели на скутери како ОЕМ (оригинална опрема на производителот)

Со рок до крајот на 2018 година, Honda ќе почне да и ги обезбедува 50cc скутер моделите на Yamaha како ОЕМ. Овие скутери се развиваат врз база на Honda TACT и Giorno, односно тоа се скутери кои од категоријата 50cc и кои Honda веќе ги продава во Јапонија. Yahama ќе ги продава овие модели како составни модели на Yamaha JOG и Vino.

2. Заедничка соработка/ОЕМ снабдување на следната генерација на 50cc бизнис скутер модели

Honda и Yamaha во моментов развиваат и продаваат во Јапонија бизнис скутер модели со зафатнина од 50cc. Меѓу нив се Honda BENLY и Yamaha GEAR. Двете компании ќе ја разгледаат можноста за заеднички развој и ОЕМ набавка од Honda кон Yamaha со цел производство на следната генерација на овие бизнис скутери.

3. Соработка за популаризација на електричните мотоцикли од „Class 1“ категоријата

Со цел да се популаризираат електричните мотоцикли во Јапонија, овие две компании ќе ја разгледаат можноста за соработка во однос на тоа да се постави основа за решавање на важни прашања кај електричните модели, прашања како што се времето потребно за полнење, перформансите и цената.

Преку оваа соработка, Honda и Yamaha ќе се обидат да го направат животот на луѓето многу подобар. Покрај ова, двете компаниии ќе работат и во насока на понатамошна ревитализација на Јапонскиот пазар на мотоцикли.

„Преку оваа соработка со Yamaha, ние ќе продолжиме да нудите производи од класата 1, односно производи кои ќе ги надминат очекувањата на нашите клиенти.  Ќе се посветиме и на ревитализација на Јапонскиот пазар на мотоцикли и ќе се обидеме да направиме пазарна средина која ќе овозможи популаризација на електричните мотоцикли,“ изјави Шинџи Аојама, оперативен директор на Honda.

„Веруваме дека нашите заеднички активности, кои ќе почнат со ОЕМ сојузот, ќе се развијат многу повеќе и ќе ја обликуваат иднината на мото културата во Јапонија,“ изјави Кацуаки Ватанабе, управен директор на Yamaha.

comments

Би можело да ве интересира

Metzeler тврди дека Racetec RR се добри на сите услови. Овие гуми веќе се тестирани на Isle of Man, North West 200, Southern 100 и Ulster Grand Prix од возач како што е Гај Мартин.

Назначувањето на Микеле Колаинино се совпаѓа со преструктуирањето на асоцијацијата која ги именуваше својот претседател и потпретседател, а официјално ќе започнат со работа од 1-ви јули 2017 година.

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!