„Верувам во електриката. Има голем потенцијал. Тука правиме нов проект но под друго име а тоа е Cagiva,“ изјави Кастилиони.

Оние од нас кои со задоволство се потсетуваат на брендот Cagiva ќе бидат навистина среќни кога ќе ја слушнат информацијата дека компанијата повторно ќе почне со работа, а новите модели се очекуваат да дебитираат следната година.

Сепак, пред да почнете да си замислувате какви се модели ќе има компанијата, треба да ви кажеме дека компанијата ќе соработува со MV Agusta со цел да се освои пазарот на електрични мотоцикли. Во моментов не можеме да дадеме никакви предвидувања во однос на тоа што би можела да постигне компанијата бидејќи тие работат во сектор кој се уште не е целосно дефиниран, односно нешто помеѓу „e-bike“ и целосен електричен мотоцикл какви што произведуваат Alta и Zero.

Cagiva Elefant Logo

Ваквата информација ни ја кажа извршниот директор на MV Agusta, Џовани Кастилиони, а таа е многу слична со веста која ја соопшти директорот на КТМ, Стефан Пиерер минатата година, односно дека Австриската компанија ќе почне со развивање на нешто што ќе биде помеѓу брендираните КТМ Е-мотоцикли и новите „Freeride – E“ модели.

„Верувам во електриката. Има голем потенцијал. Тука правиме нов проект но под друго име а тоа е Cagiva,“ изјави Кастилиони.

За Cagiva оваа вест значи дека дел од линијата на мотоцикли ќе биде и новиот „Elefant“ но најпрво ќе започнат со спортски оф роуд мотоцикли кои ќе имаат електрично напојување. Веруваме дека тоа ќе биде нешто слично на 125cc четири тактната класа.

„Во моментов инвестираме во лесни мотоцикли. Ако сакате да возите со брзина поголема од 300 километри на час, тогаш ви препорачувам да купите мотоцикл со внатрешно согорување. Мислам дека има голем потенцијал на пазарот за електричнио мотоцикли и ние сакаме да бидеме таму. Ќе видиме како ќе се развива секторот но мислам дека има голем потенцијал,“ вели Кастилиони.

Исто така постојат и гласини дека Cagiva е повторно оживеана со цел да биде алтернатива на MV Agusta на оф роуд пазарот. Доколку после неколку години компанијата го воскресне популарниот „Elefant“ модел, тоа би отворило повеќе опции за Италијанската компанија.

Во однос на компанијата, тоа што ги има двата бренда, MV Agusta и Cagiva, ќе им помогне да ги привлече дилерите на мотоцикли да потпишат договор со нив, пред се благодарение на можноста да сервисираат два различни пазари.

Првата Cagiva можеме да ја очекуваме кон крајот на оваа година и ќе биде модел за 2019 година. Останува да видиме како ќе изгледаат овие мотоцикли и како ќе функционираат.

Back To Top