25
Нед, Јун
Тестови

Наш тест: Kymco Xciting 300 Ri

xcitingmmmm.jpgWow. Ова беше првото што ми помина низ главата по тест возењето на Kymco Xciting 300 Ri. Најголемата Тајванска фабрика за скутери повторно одлично си ја завршила работата со серијата Xciting во која се вградени агрегати со директно вбризгување со зафатнина од 270 и 499цц. Двата модела се достапни во две верзии - стандардна и R верзија, која ја добивме на тест.

Следете нè на:

 
Макси скутер за макси задоволствоМакси скутер за макси задоволство

 

Wow. Ова беше првото што ми помина низ главата по тест возењето на Kymco Xciting 300 Ri. Најголемата Тајванска фабрика за скутери повторно одлично си ја завршила работата со серијата Xciting во која се вградени агрегати со директно вбризгување со зафатнина од 270 и 499цц. Двата модела се достапни во две верзии - стандардна и R верзија, која ја добивме на тест.

Визуелно, тристотката не се разликува во ништо од својот постар брат, а разликата од стандардната до R верзијата е во колор шемата, затемнетиот визир како и ротирачките дискови на кочниците.

Визуелно, тристотката не се разликува во ништо од својот постар братИ додека сме кај визуелниот дел, по скутерот се сврте секој минувач кој го поминав по пат, тој делува моќно, ново, скапо. Доволно е да му дозволите на човекот да го разгледа одблизу и нема потреба да му појаснувате дека не се работи за кинески скутер. Концептот на новиот Xciting е фокусиран на модерниот градски живот - брз, динамичен и со висок стил. Дизајнерите го споиле модерното со функционалното, па веднаш е забележлива агресивната предницата со лед диоди кои освен што изгледаат добро, ја подобруваат и безбедноста.

Инструмент табла на која ги има сите можни мерачи - од сензор за ногарка, до индикатор за полначот за мобиленДиоди на позиција и на жмигавци, инструмент табла на која ги има сите можни мерачи (од сензор за ногарка, до индикатор за полначот за мобилен), LED стоп светло, држач за мобилен телефон во комбинација со звучник, полнач од 12V под седиштето, двојна заштита на брава, амортизери на седиште, држач за две кациги под седиштето, фиока за документи со заклучување, гумирани спортски ногарки за совозач, спортски задни држачи.... да, сеуште ја набројувам опремата од скутерот. Забележлив е и издувот кој одзади наликува на оружје од филмот Терминатор, кое само го надополнува футуристичкиот изглед на скутерот.

А дека тајванците не посветиле детали само на "џиџи-миџи" говорат двојните предни дискови од 260мм и единечниот заден од 240мм кои во комбинација со ABS/UBS системот го запираат скутерот без разлика на брзината со која возите. Дополнително на ова, рачката за сопирање може да се подеси на 4 различни позиции во зависност од условите во кои возите и во зависност од кочењето кое ви е потребно.

Доколку можете да го пробате, гарантирам дека нема лесно да се симнете од него.Доколку можете да го пробате, гарантирам дека нема лесно да се симнете од него.

 

Четворотактниот мотор развива 17.5кс/8000 вртежи во минута со зафатнина од 270цц, а како и кај конкуренцијата, течноста е задолжено за ладење на агрегатот. Бидејќи производителот нема декларирано максимална брзина, бев љубопитен да видам до каде ќе отиде стрелката на брзинометарот. Како ви звучат 140км/ч за скутер? Мене одлично, возбудливо, исто како и името на скутерот, кој ги достигна оние 140 без никаков проблем.

ABS-UBS системот го запираат скутерот без разлика на брзината со која возитеКај макси скутер по логика се треба да биде поголемо/подобро, па во Kymco се потрудиле да го запазат редот. Задницата ја крепат двојни амортизери со пет степени на подесување, а телескопските вилушки даваат одличен одговор од предницата и овозможуваат уживање во возењето без разлика на очајната состојба на нашите патишта.

Тежината од 185кг воопшто не се осеќа во возењето или при навалување во кривини, а за тоа се заслужни димензиите од 2250х815х1335мм и меѓуоскино растојание од 1570мм. Гумите со димензии 120/70-15; 150/70-14 се со добар квалитет, и нема потреба да ги менувате, а резервоарот собира 12.8л, кои се доволни да ве одвезат до било кој град во државава и назад.

Футуристички издув, возбудливо зарем не?Замерки за самиот скутер немам, единствено нешто што ми пречи генерално кај Kymco е бравата преку која се стартува моторот, се заклучуваат рачките, се отклучува капачето за бензин и се отвора седиштето. Нешто што е можеби функционално, но за било кој новајлија на Kymco е фрустрирачко..барем во првите 15 минути, додека го отворите седиштето ;)

Репортажата можете да ја најдете во најновиот број на "AutoFocus"  

На вас останува да го погледнете во живо во некој од салоните во кои се продава Kymco, доколку можете да го пробате, а потоа гарантирам дека нема лесно да се симнете од него.

Моторот за тестирање беше позајмен од Moto Market (Тел.3238-920) каде може да се купи по цена од 4.300 евра.

Фото: Кристијан Ивановски

comments

Би можело да ве интересира

Викендов на програмата е 8-та трка од МотоГП шампионатот која ќе се вози на патеката Асен во Холандија.

„Викендот во Каталуња, вклучувајќи го и тестот беше навистина големо искуство за мене. Сакам да го искористам знаењето кое го стекнав за да остварам што е можно подобар резултат“ – Јохан Зарко.

„Секако дека временските услови секогаш се непредвидливи и прават работите да се менуваат многу брзо. Затоа мораме да бидеме подготвени да се адаптираме исто како што направивме минатата сезона и во 2014 година“ – Марк Маркез

Откако на големо изненадување, прилично рано беше објавен календарот за следната сезона во Формула 1, се поставува прашањето како тоа ќе влијае на MotoGP календарот за следната сезона.

Германецот кој настапува за тимот Tech 3 Yamaha се најде пред двајцата фабрички возачи, како на двете сесии така и на трката. Тимот на Ерв Поншарал ја продолжи серијата на импресивни настапи.

Motul повторно е официјален лубрикант на трофејот Isle of Man. Од 5-ти до 9-ти јуни, три тима со техничка поддрша од страна на Француската компанија остварија победи на трката која постои од 1911 година.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!