Поранешниот возач на Кавасаки МотоГП тимот повторно се враќа во кралската класа. Вест го паметиме како одличен возач на мокра патека, а следната година ќе вози за Speed Master CRT тимот.

CRT тимовите (claiming rule team) ќе имаат право на настап во МотоГП класата со продукциски мотор и прототипна шасија, а според најавите во 2012 се очекува на стартната линија да има повеќе од 10 вакви мотори. Вест се очекува да настапи со шасија на FTR, а мотор од Honda или Aprilia.

Вест настапуваше за тимот на Кавасаки во 2007 (од половината на сезоната) и 2008, потоа зелениот тим се откажа од МотоГП шампионатот па тој се префрли во Супербајк шампионатот каде возеше во класата Суперспорт во 2009. Минатата година се врати во МотоГП во класата Мото2 каде настапуваше и оваа година за тимот на MZ-RE Honda.