Последната МотоГП пол позиција во сезоната на патеката Валенсија му припадна на Кејси Стонер. Новиот Светски шампион со предност од една секунда ја обезбеди дванаесеттата пол позиција во сезоната, а всушност тоа е и последната пол позиција во историјата на моторите до 800цц.
На квалификациите повторно импресионираше Ренди де Пуние кој благодарение на последниот обид на Бен Спиз не се најде во првиот ред. Американецот беше само за една стотинка побрз од де Пуние со што утрешната трка ќе ја започне од третата позиција. Возачот на Ризла Сузуки, Алваро Баутиста како и во подготвителниот период прикажа одлично возење и трката ќе ја започне од петтата позиција.
Зад Баутиста во вториот ред ќе го видиме Валентино Роси, а неговиот клубски колега Ники Хејден ќе го започне третиот ред. Заменските возачи на утрешната трка се квалификуваа на последните места, но на тренинзите Џош Хејс (возачот кој го менува Колин Едвардс) прикажа одлично возење па тимот се надева на добар резултат на утрешната трка.
Резултати од квалификациите:
1. Casey Stoner AUS Repsol Honda 1m 31.861s
2. Dani Pedrosa ESP Repsol Honda 1m 32.875s
3. Ben Spies USA Yamaha Factory Racing 1m 33.057s
4. Randy de Puniet FRA Pramac Racing 1m 33.118s
5. Alvaro Bautista ESP Rizla Suzuki 1m 33.443s
6. Valentino Rossi ITA Ducati Marlboro 1m 33.478s
7. Nicky Hayden USA Ducati Marlboro 1m 33.656s
8. Andrea Dovizioso ITA Repsol Honda 1m 33.824s
9. Hector Barbera ESP Mapfre Aspar 1m 34.186s
10. Karel Abraham CZE Cardion AB Motoracing 1m 34.265s
11. Cal Crutchlow GBR Monster Yamaha Tech 3 1m 34.329s
12. Loris Capirossi ITA Pramac Racing 1m 34.671s
13. Toni Elias ESP LCR Honda 1m 34.680s
14. Hiroshi Aoyama JPN San Carlo Honda Gresini 1m 34.838s
15. Katsuyuki Nakasuga JPN Yamaha Factory Racing 1m 35.999s
16. Josh Hayes USA Monster Yamaha Tech 3 1m 36.042s
Пренос од утрешната трка можете да слушате на Life Radio со почеток во 13.45.
