Возачот на Сан Карло Хонда Гресини тимот, Марко Симончели, загина на денешната трка за ГН на Малезија на патеката Сепанг. Еден од нај големите млади таленти во МотоГП шампионатот животот го загуби откако падна со својот моторцикл, а притоа на него налета Колин Едвардс и Валентино Роси.

Веднаш по стравичниот удар трката беше прекината, и првично беше објавено дека истата ќе продолжи во 10.45, но во 10.30 следуваше информација дека трката е одложена на неодредено, а веќе во следната минута надлежните ја откажаа трката. Нешто пред 11 часот официјално беше објавено дека Симончели го загубил животот.

Марко Симончели имаше само 24 години, минатата недела го продолжи договорот со својот тим и ја доби поддршката од Хонда за следната година но трагичната прерана смрт ја спречи блескавата кариера која го очекуваше Симончели. Смртта на Марко Симончели го погоди целиот мото свет, загубивме голем тркач, човек чиј живот не требаше да заврши на овој начин. Марко, почивај во мир.

Сите кои сакаат да му оддадат почит на Симончели истото можат да го направат преку следниот линк: http://www.motogp.com/en/contact/tributetosimoncelli

Потресното видео од случката можете да го видите во продолжение: