Со 32 бода заостанување и седум трки до крајот, Хорхе Лоренцо треба да освојува во просек 4,6 бода по трка повеќе од Кејси Стонер за да ја освои Мото ГП тутулата во 2011.

Тоа изгледа како тешка задача ако се земе во предвид дека возачот на Repsol Honda, Стонер има шест победи оваа сезона, во споредба со само двете на Лоренцо.

Но, Лоренцо нема да се откаже од одбрана на титулата и се надева дека ќе може да ја намали предноста овој викенд во Индијанаполис.

Лоренцо заврши трети во Инди минатата година, додека Стонер(како возач на Ducati) излета.

“Инди е патека на која навистина уживам.”, изјави Лоренцо. “Имам прекрасни моменти како што се подиумите во 2008 и 2010, и победата во 2009.”

“Се надевам дека добрата енергија што ја чувствувам за оваа патека ќе ни помогне да се бориме за титула. Со нетрпение очекувам да се вратам во САД и да возам на мојот М1.”