Тимот на КТМ на југот од Франција се подготвува за Рели Дакар 2012. Според фотографиите и видеото, портокаловиот тим ќе има што да покаже на релито кое годинава ќе се вози во Аргентина, Чиле и Перу. „Релито ќе се вози во должина поголема од 9.000 километри, ќе трае 14 дена, а освен четирите етапи во Перу, ќе се возат и по пет во Аргентина и Чиле“, изјави директорот на трката Етјен Лавињ.

Стартот на релито е на 1-ви јануари 2012 година од градот Мар Дел Плата во Аргентина, релито потоа продолжува по Андите и ќе навлезе на територијата на Чиле. Етапите потоа водат на север, низ срцето на пустината Атакама, за потоа да ја преминат границата во Перу. На релито Дакар 2012 учество ќе земат 185 мотоцикли, а според новите пропозиции, сите мотоцикли се ограничени на зафатнина од 450цц.