Момент од првата годинешна трка во Кичево

На 5-ти септември на патеката во Кичево ќе се одржи отворен слободен тренинг. На тренингот можат да учествуваат сите заинтересирани кои имаат исправен мотор и опрема.

На патеката ќе бидат пуштени само луѓе со полна опрема која вклучува кожено одело, чизми, кацига и ракавици. Патеката ќе биде отворена од 10 до 17 часот, а котизацијата е 300 денари, средства кои се користат за тековно одржување на стазата.

Тренингот е најава за третата трка од Сакамото купот на Македонија во мотоциклизам која ќе се одржи на 25 септември. Како новост за третата трка се издвојува првата отворена супермото трка која ќе се вози во Македонија.

Повеќе информации за трката како и правилник и пријава за учество ќе бидат објавени за една недела.