28
Пет, Апр
Останато

Red Bull X-Fighters: Клинтон Мур победи на првата трка

На отворањето на сезоната во Мексико Сити, австралискиот возач Клинтон Мур ги изненади сите освојувајќи ја својата прва победа во светското првенство на Red Bull X-Fighters. Ливај Шервуд од Нов Зеланд заврши втор, додека Французинот Томас Паже го комплетираше подиумот пред 38-илјадната публика.

Следете нè на:

 

P 20150307 00091 NewsМУР ГИ ИЗНЕНАДИ ПОРАНЕШНИТЕ ШАМПИОНИ ВО МЕКСИКО

На отворањето на сезоната во Мексико Сити, австралискиот возач Клинтон Мур ги изненади сите освојувајќи ја својата прва победа во светското првенство на Red Bull X-Fighters. Ливај Шервуд од Нов Зеланд заврши втор, додека Французинот Томас Паже го комплетираше подиумот пред 38-илјадната публика.

МЕКСИКО СИТИ (Мексико) – Клинтон Мур беше во лов на својот прв подиум од светското првенство, но освои многу повеќе. Распродадената корида „Монументал плаза де торос“ со овации од 38-илјадната публика го испрати Австралиецот на првото место од пиедесталот, при што зад него беа тројца светски шампиони, Новозеланѓанецот Ливај Шервуд на второто место, Французинот Томас Паже на третото место и Дани Торес од Шпанија на четвртото. 

Одличен старт на сезоната имаше и Реми Бизар од Франција кој заврши на петтата позиција. Реми на македонската публика и е познат по настапот во Охрид во 2011 година со неговата група „Blackliner Freestyle“.

P 20150307 00169 NewsЗапочнаа возбудувањата во Red Bull X-Fighters шампионатот

Во своите шест претходни старта во најпрестижната светска серија во мотокрос слободен стил (ФМХ), тетовираниот Австралиец секогаш го покажуваше својот потенцијал, но никогаш ги немаше поминато четвртфиналните борби. Оваа година тој ги смести сите свои фигури во едно возење и тоа направи голема разлика. Го победи Шервуд со минимална предност, кој пак отвори нова страница во историјата, со изведбата на нова фигура наречена „Transfer Flip“, која за првпат беше изведена во ова натпреварување.

Овој настан ја одбележа и десетгодишница од одржувањето на Red Bull X-Fighters во Мексико Сити, а нивото на изведените фигури надмина с* што е досега видено на „Монументал плаза де торос“.

- Знаев дека конечно успеав кога ги видов конфетите како паѓаат. Сега сум во рајот, - рече 26-годишниот Мур. 

P 20150307 00075 NewsРаспродадената корида „Монументал плаза де торос“ со овации од 38-илјадната публика го испрати Австралиецот на првото место од пиедесталот

Светското првенство во 2015 продолжува со втората трка којашто е закажана на 12 јуни во Атина (Грција), а потоа следуваат Мадрид (Шпанија), на 10 јули, Преторија, (Јужна Африка) на 12 септември и Обединетите Арапски Емирати на 30 октомври.

Снимка од настанот во Мексико Сити може да се погледне на www.redbullxfighters.com и на Ред Бул ТВ. Ред Бул ТВ е достапен преку поврзани ТВ апарати, играчки конзоли, мобилни и други уреди. За комплетна листа на поддржани апарати, посетете ја страницата about.redbull.tv.

Резултати: 1. Клинтон Мур (Австралија), 2. Ливај Шервуд (Нов Зеланд), 3. Томас Паже (Франција), 4. Дани Торес (Шпанија), 5. Реми Бизар (Франција), 6. Адам Џонс (САД), 7. Хавиер Виљегас (Чиле), 8. Броди Вилсон (САД), 9. Жереми Руне (Франција), 10. Хери Бинг (Австралија), 11. Ерик Руиз (Мексико), 12. Мат Рибо (Швајцарија).

comments

Би можело да ве интересира

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Возачот на Movistar Yamaha, Маверик Вињалес вели дека се уште не знае која е причината за падот кој го спречи да се бори за третата победа по ред на трката во Тексас.

Тимот на Reale Avintia Ducati потврди дека го продолжил договорот со Италијанскиот производител и дека наредната сезона нивните возачи, Хектор Барбера и Лорис Баз, ќе настапат со GP17 машината. Со овој мотоцикл оваа година настапуваат Хорхе Лоренцо и Андреа Довициозо.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!