Останато

Дакар 2018: Ван Беверен победи на Етапа 4, Сандерленд се повлече заради повреда

Етапа 4 - Сан Хуан де Маркона до Сан Хуан де Маркона, 114км + 330км специјал

Следете нè на:

 

Четвртата етапа на релито Дакар 2018 донесе доминантна победа за возачот на Јамаха, Адриен Ван Беверен. Победата на Ван Беверен беше со толкава разлика што во генералниот пласман тој од седмата позиција се искачи на првата.

vanbeveran

26 годишниот Французин за прв пат настапи на Дакар во 2016 година кога финишираше на одличната шеста позиција, а минатата година заврши на четвртата позиција па стана еден од возачите кои сите го знаат во падокот.

На четвртата етапа тој стартуваше во вториот „бран“ (5 минути по првите 15 мотоцикли), а тој заедно со возачот на Хонда Жоан Бареда за кусо време започнаа да ги стигнуваат возачите кои беа пред нив. Кон крајот на првата контролна точка етапата стана тешка за навигација па 15-на возачи се загубија, што му овозможи на Ван Беверен да отиде напред. 

На крајот тој забележа предност од 5 минути пред својот клубски колега Ксавиер Де Султрит, а возачот на КТМ Матиас Вокнер заврши на третата позиција.

Вчерашниот победник и дотогашен лидер во генералниот пласман Сем Сандерленд го прекина настапот на релито Дакар заради повреда. Тој доживеа голем пад помеѓу третата и четвртата контролна точка на специјалот по што беше однесен во боксот, а заради повредите мораше да го прекине настапот на годинешното рели Дакар.

Резултати - Етапа 4

  1. Adrien Van Beveren     FRA                  Yamaha           4h08m23s
  2. Xavier De Soultrait       FRA                  Yamaha           +5m 01s
  3. Matthias Walkner        AUT                 KTM                 +7m 10s
  4. Pablo Quintanilla         CHL                  Husqvarna       +7m 32s
  5. Stefan Svitko                 SVK                  KTM                 +6m 03s

Генерален пласман по Етапа 4 

  1. Adrien Van Beveren    FRA                  Yamaha           11h03m23s
  2. Pablo Quintanilla        CHI                  Husqvarna       +1m55s
  3. Kevin Benavides          ARG                 Honda              +3m15s
  4. Matthias Walkner       AUT                 KTM                 +5m23s
  5. Xavier De Soultrait      FRA                  Yamaha           +7m 34

Би можело да ве интересира

На наш колега моторџија му е потребна помош, да се покажеме во вистинско светло во недела!

Викендов на патеката Орман во Скопје се вози третата и последна трка од шампионатот на Македонија во мотокрос.

Фантастична борба за победата ја одбележа првата трка за ГН на Тајланд која му припадна на Марк Маркез.

Слободно можеме да кажеме дека новите модели кои ги прикажа Ducati за време на Intermot беа помалку резервирани.

За време на изложбите во Париз и Intermot, Honda го претстави новиот Super Cub C125 кој се очекува да се најде на пазарот оваа есен.

Не сите модели кои ќе ги видиме на Intermot имаат нова технологија, неколку мотоцикли за 2019 година добија само нова боја.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.