06
Вто, Дек
7 нови содржини
MK мотоциклисти на меѓународни трки

Започна Балканскиот шампионат во мотокрос, Илиоски втор во Јаница

Викендов на патеката Јаница во Грција се возеше првата рунда од Балканскиот шампионат во мотокрос.

Следете нè на:

 

Балканскиот шампионат во мотокрос започна викендов со првата рунда која се возеше на патеката Јаница во Грција. 12-те претставници на МФМ се враќаат со измешани емоции, а најголем успех секако претставува второто место на Христијан Илиоски во класата МХ1.

mx janica 2016 11036-те возачи во класата МХ2 прикажаа одлично возење и возбудливи трки за гледачите

Во саботата се возеше првата трка во класата МХ (и МХ Ветерани) во која настапија Борче Костов (МК Ноќни Волци) и Јован Стојков (МК Мотостарс). Трката почна одлично за нив двајцата и во конкуренција на 23 возачи тие се најдоа на 11 и 12 позиција. Борбата за место погоре доведе до грешка на Стојков кој излета од патеката на неколку кругови пред крајот на трката, а Костов забележа одличен резултат и првите бодови во ова натпреварување. Борче Костов кој се бодува во класата МХ Ветерани на првата трка беше на одличната шеста позиција.

mx janica 2016 73Борче Костов (МК Ноќни Волци)

Втората трка во класата МХ беше прва во неделата и привлече големо внимание кај публиката. Борче Костов и Јован Стојков повторно беа во нашиот фокус, Стојков возеше со повреда по првата трка но тоа не го поколеба да се најде на стартот заедно со останатите 22 возачи. Одлична борба и возбудлива трка која на крајот заврши со 12 позиција за Стојков и 13 за Костов. Костов во класата МХ Ветерани на втората трка се најде на 7-та позиција.

mx janica 2016 53Повредата на Стојков не го поколеба да вози на втората трка во Јаница

Во оваа класа се натпреваруваа и двајца возачи од Грција како возачи на МК Мото ВелесПанајотис Сидеропулос и Атанасиос Папаниколау во првата трка ја забележаа 20-та и 22-та позиција, додека пак во втората трка Атанасиос се искачи на 10-та позиција, а Панајотис беше 21-ви.

Следуваа трките од класата МХ2 (и МХ2 Јуниор) во која МФМ имаше 5 претставници. На квалификациите најдобар беше Христијан Станковиќ (МК Мотостарс), а истото се потврди и на трките. Станковиќ имаше неверојатен старт на првата трка и во првиот свиок се најде на втората позиција иако на квалификациите имаше 18-то време во конкуренција на 36 возачи. За жал по само 3 круга неговиот мотор откажа па Станковиќ мораше да се прости со бодовите од првата трка.

mx janica 2016 88Христијан Станковиќ имаше фантастичен старт на двете трки во МХ2 (МХ2 Јуниор)

Стартот на втората трка за Станковиќ беше исто така одличен, тој повторно се избори за предниот дел од колоната во ситуација во која 36 возачи се обидуваат да дојдат до првиот свиок. Тој успеа да дојде до 4-та позиција на стартот но подоцна загуби повеќе позиции па на крајот мораше да се задоволи со 18-та позиција, која со оглед на конкуренцијата и бројот на возачи е одличен успех. Во класата МХ2 Јуниор тој се најде на 13-та позиција.

Вториот македонец кој се бодуваше во МХ2 и МХ2 Јуниор е Ангел Ристов (МК Ноќни Волци), кој прикажа солидно возење и притоа ја забележа 29-та позиција на првата трка и 28-та на втората. Ангел доби по 1 поен од двете трки и со вкупно 2 бода на Балканскиот шампионат ќе ги продолжи трките во класата МХ2 Јуниор.

mx janica 2016 60Временските услови не беа пречка за Ристов да вози на сите сесии

Во класата МХ2 го проследивме и возењето на Васко Киров (МК Ноќни Волци). Тој настапуваше за прв пат со својот нов мотоцикл и во ваква конкуренција, иако немаше забележителен резултат (33 позиција на првата и втората трка) успех во ваква ситуација претставува и самото завршување на трката.

mx janica 2016 92Васко Киров (МК Ноќни Волци)

Во класата МХ2 Ванов Драган и Виктор Караколев беа претставници на МК Мото Велес на првата трка од Балканскиот шампионат во мотокрос. За младите возачи ова беше прва трка од ваков карактер, со 36 возачи на рампата и конкуренција која е на завидно ниво. Ванов Драган прикажа солидно возење во двете трки, а во тоа му помогна искуството од трките од домашниот шампионат. Тој на првата трка заврши на 30-та позиција, а на втората трка се искачи на 25-то место.

mx janica 2016 94Драган Ванов (МК Мото Велес)

Виктор Караколев едноставно немаше среќа. Проблемот со неговиот мотоцикл започна на првата трка, па тој мораше да се повлече и да остане без пласман. Иако неговиот тим се потруди максимално да го оспособи за втората трка, уште на загревачкиот круг тој повторно имаше проблеми па така остана без пласман од Јаница. На квалификациите тој возеше време од 2:10.529 кое беше доволно за 28-та позиција во конкуренција на 36 возачи.

mx janica 2016 33Виктор Караколев (#28) - МК Мото Велес

Искуството кое нашите возачи го добија од овие трки е непроценливо, тоа ќе значи многу за нивниот напредок во кариерата и секако ќе им помогне во следните трки. Момци браво, горди сме на вас.

Во класата МХ1 ги видовме нашите најискусни возачи, Гоце Томовски (МК Гого) и Христијан Илиоски (МК Пелистер). Томовски започна добро на тренинзите и имаше 5-то време во конкуренција на 12 возачи, но подоцна заради промена на гумата на квалификациите беше 7-ми. Томовски имаше солиден старт на првата трка но променливата подлога на стазата си го направи своето па на крајот тој мораше да се задоволи со 9-та позиција. Втората трка беше возбудлива за гледање бидејќи тој водеше беспоштедна борба до последниот свиок со Димитриос Бакис од Грција. На крајот Томовски заврши на 8-та позиција, зад Мпакис со разлика од 0.088 делови од секундата! За Томовски пласманот од првата трка на Балканскиот шампионат му донесе 25 поени и 9-та позиција во генералниот пласман.

mx janica 2016 38Гоце Томовски (МК Гого)

Нашиот најдобар кросист Христијан Илиоски на одличен начин го започна походот кон титулата во Балканскиот шампионат со две втори места кои му го донесоа и второто место во генералниот пласман. Илиоски имаше најдобро време на квалификациите, 1:48.557 беше импресивниот резултат кој го стави на првата стартна позиција пред својот конкурент Адријан Радута од Романија кој на квалификациите возеше 1:49.980. На првата трка Илиоски изби на чело на колоната но по еден круг направи мала грешка по која му ја препушти водечката позиција на Радута. Романецот искусно до крајот ја одржуваше разликата пред нашиот возач и дојде до првата победа. Во втората трка стартот беше проблематичен за Илиоски заради лизгавата подлога па по првиот свиок тој се најде на третата позиција. За неколку кругови тој успеа да го помине Кириакос Котис од Грција и да дојде до второто место, но разликата од неколку секунди до првопласираниот Радута беше недостижна. Двете втори места му носат 44 поени во генералниот пласман на популарниот Кико, а со оглед на тоа што втората трка од шампионатот се вози на патеката Милци во Гевгелија, се надеваме дека веќе по втората рунда ќе има промена на врвот.

mx janica 2016 66Христијан Илиоски со две втори места го започна походот кон титулата

Шампионатот продолжува според следниот распоред:

  Датум Место Земја Забелешка
MX01 Март 26-27 Јаница Грција EC65 & EC85
MX02 Април 16-17 Гевгелија Македонија EC65 & EC85
MX03 Мај 7-8 Каисали Турција  
MX04 Мај 28-29 Крешево Босна и Херцеговина Само класите MX1, MX2 и MX
MX05 Јуни 18-19 Глобаре Србија EC65 & EC85
MX06 Септември 17-18 Самоков Бугарија  
MX07 Октомври 8-9 Тројан Бугарија  
comments

Би можело да ве интересира

Валентино Роси во голем стил ја заокружи сезоната 2016 откако успеа да ја одбрани титулата на релито во Монца. На крајот тој заврши со предност поголема од 20 секунди пред  возачот на Хјундаи, Дани Сордо.

Дакар 2017 ќе биде најтешката трка досега бидејќи возачите ќе мора да искачат висина од 4000 метри.

Последниот мотоцикл кој ни доаѓа од „Faster Sons“ е Yamaha SCR950, мотоцикл кој е изработен од страна на Џеф Палхеги, изработувач на мотоцикли кој во изминативе 20 години има изработено повеќе од 70 мотоцикли.

Bold Films, продуцентите на хит филмовите Drive и Whiplash, потврдија дека ќе бидат дел од продукцијата на филмот за  Isle of Man TT. Сценариото и режијата ќе биде на Бен Јангер, кој и самиот е поранешен професионален возач.

Свесни сме за некои чудни закони ширум светот кои можеби потекнуваат од некое друго време, како на пример, возачите на такси во Лондон да мораат секогаш со себе да носат сено. Изгледа дека има и некои специфични мото закони кои во 2016 година изгледаат помалку чудно. Неколку од нив можете да прочитате подолу.

„Турбото е дел од нашите планови за во иднина“ – Тошихиро Сузуки, Претседател и извршен директор на Suzuki

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!