Motocross

Red Bull X-Fighters: Шервуд доминантен на отворањето во Мексико Сити

Со спектакуларната победа во Мексико Сити минатата сезона, бестрашниот Французин Томас Паже полета на патот кон освојување на шампионската титула во светското првенство на Red Bull X-Fighters.

Следете нè на:

 

The winner Levi Sherwood Photo Sebastian Marko Red Bull Content PoolПобедникот на првата трка, Леви Шервуд

Со спектакуларната победа во Мексико Сити минатата сезона, бестрашниот Французин Томас Паже полета на патот кон освојување на шампионската титула во светското првенство на Red Bull X-Fighters. Оваа година многу талентирани возачи на мотокрос во слободен стил (ФМХ) се подготвени да испишат нови страници во историјата на ова натпреварување. Спортскиот директор на првенството, Тес Сеуел, очекува и 2014 година да биде возбудлива, со шестмина кандидати за тронот кои со своите изведби ќе го предизвикаат Паже.

- Том е новата цел откако стана светски првак во Red Bull X-Fighters, но другите возачи ги видеа неговите планови, па напорно тренираа за да се справат со нив,- изјави првиот човек на ова натпреварување во пресрет на новата сезона.

Dany Torres from Spain Photo Joerg Mitter Red Bull Content PoolТрето место за Шпанецот Дани Торес

Настанот што го запали Мексико Сити беше првата од неколкуте епски битки што во текот на сезоната ќе се протегнат на четири континенти. Светскиот првак од 2012 година, Ливај Шервуд ја освои победата, додека ланскиот првак Томас Паже беше елиминиран во четвртфиналето. Арената која што ја има најтесната патека оваа сезона беше обоена во фреските на змискиот Бог на Ацтеките, Кецалкоатл, а на неа најдобрите возачи во ФМХ скокаа и до 15 метри во височина. Возачите на Red Bull X-Fighters серијата успеаја да ја надгласнат публиката која ја исполни до последното место монументалната корида во Мексико Сити, чиј капацитет е 38.000 гледачи. Тие ги бодреа возачите да изведуваат егзибиции во воздухот, при што на крајот на подиумот се најдоа Ливај Шервуд од Нов Зеланд, пред Џош Шихан од Австралија и Дани Торес од Шпанија.

Josh Sheehan from Australia Photo Joerg Mitter Red Bull Content PoolФантастичниот Џон Шинан од Австралија на крајот мораше да се задоволи со втората позиција

Шервуд влезе во натпреварувањето решен да вози на свој начин, изведувајќи егзибиции како „Бакнеж на смртта“ со салто наназад, како и ротација на телото додека седи на моторот. Битката со Шихан беше изедначена, бидејќи тој беше подобар во две од петте категории кои се бодуваат од судиите.
- Се обидував да не се фокусирам против кого возам и се обидував да го дадам максимумот. Како што ќе се развива сезоната, ќе се обидам да продолжам да притискам и да одам по својот пат,- рече Шервуд.
- Публиката во Мексико Сити те прави да се чувствуваш толку добро и воздигнато. Ова е епски, зборовите не можат да го опишат,- додаде Шихан.

La Monumental Plaza de Toros Mexico Photo Predrag VuckovicПрекрасната арена во која се одржа првата трка во сезоната

Шпанецот Торес беше фаворит на публиката, а неговата ѕвездена изведба претставуваше ветување за идните настани, со напомена дека треба да ја залечи повредата на зглобот на ногата. Во меѓувреме, Паже заврши петти, иако во текот на својот настап имаше проблеми со изведбата на еден трик и тоа ја наруши неговата рутинирана егзекуција. 

Влегувајќи во својата 14 сезона, Red Bull X-Fighters по волшебното отворање на сезоната во Мексико Сити се враќа во Азија, во земјата на изгрејсонцето со трката во Осака на 25 мај. Прославениот настан во Мадрид на коридата Лас Вентас е закажан за 27 јуни, по што следува камбекот во Минхен каде што на Олимпискиот стадион ќе биде подготвена патека за егзибиции над вода! Трката во Германија е на 19 јули, додека првиот настан во Африка е закажан за 23 август, што е гаранција за возбудливо финале. Актуелниот шампион Паже беше единствениот во 2013 година со две победи, но Дани Торес од Шпанија, Род Аделберг од Австралија и Така Хигашино од Јапонија докажаа дека можат да го победат темпераментниот Французин, кој е чртврти различен првак во последните четири сезони на ова натпреварување.

Sherwood celebration Photo Joerg Mitter Red Bull Content PoolПобедничката фотографија на Шервуд

Резултати:

1. Ливај Шервуд (Нов Зеланд)
2. Џош Шинан (Австралија)
3. Дани Торес (Шпанија)
4. Адам Џонс (САД)
5. Томас Паже (Франција)
6. Роб Аделберг (Австралија)
7. Хавиер Вилегас (Чиле)
8. Макиел Мелеро (Шпанија)
9. Либор Подмол (Чешка)
10. Реми Бизур (Франција)
11. Ерик Руиз (Мексико)

comments

Би можело да ве интересира

Вицешампионот за сезоната 2017 во MotoGP шампионатот, Андреа Довициозо, вели дека мора да ги согледа позитивните работи како од трката која се возеше во неделата така и од неверојатно успешната сезона за него и за Ducati.

Иако е навистина невообичаен мотоцикл, сепак Moto Guzzi Stelvio има свои следбеници. Кога исчезна од линијата на Moto Guzzi, тој им недостасуваше на многумина.

Ако мислевте дека Honda CB1000R 2018 е добар мотоцикл, тогаш имаме интересна вест за вас. Honda Motor Europe на EICMA мото шоуто во Милано дебитираше со два мотоцикли: Honda CB125R и Honda CB300R.

Без никакво сомневање, Ducati Panigale V4 супербајк е најинтересниот мотоцикл објавен оваа година. Ова не е само наше мислење бидејќи тој беше официјално прогласен за крал на EICMA шоуто.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Motul презентираше ново масло наменето за тркање, 300V²  10W-50, на најголемото мото шоу кое се одржа во Милано, EICMA.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!