MotoGP

Зарко предвреме ја завршил борбата за првата позиција поради проблем со пневматиците

Возачот на Monster Yamaha Tech 3, Јохан Зарко, не успеа да ја заврши работата која ја започна минатата година на трката во Катар поради проблем со пневматиците.

Следете нè на:

 

Иако долго време беше во водство на трката минатата година, тој сепак излета надвор од патеката. Исто почна и оваа сезона. Тој имаше добар старт но поради проблем со пневматиците на крајот заврши на осмата позиција.

zarco katar

Французинот, кој беше во водство во текот на 17 кругови, возеше одлично и целосно ја контролираше ситуацијата. Сепак, не успеа до крајот да извози во ист стил.

„Имав добар старт и се наоѓав во водство. Не можев да постигнам подобро време од останатите возачи но сепак никој не ме претекна. Се обидов да го контролирам предното тркало и добро ми одеше во тоа. Но, на седум круга до крајот на трката, се обидов да притиснам повеќе и да направам поголема разлика. Во текот на трката веќе го почувствував лимитот на пневматиците, но тоа не ми се случи за време на тренингот.“

„На пет круга до крајот, кога другите возачи ме претекнаа, ми стана јасно дека неможев целосно да ја користам предната гума. Токму поради таа причина и не можев да се борам до самиот крај. За малку дури и ќе паднев. Затоа мислам дека осмото место е добар резултат бидејќи во вакви услови, добро е кога ќе ја завршите трката.“

Иако е помалку разочаран поради пропуштената можност за победа, Зарко останува внимателен. Свесен дека сезоната е долга и дека ќе има и други шанси за победа, тој вели дека најважно нешто е да остане позитивен.

„Кога сте дел од ваков спорт, се случуваат вакви работи. Токму затоа ќе продолжам да се смеам. Бев лидер на трката. Иако не бев брз, сепак никој не ме претекна и тоа е добро. Чувството беше различно во споредба со минатата година кога исто така бев во водство. На моменти се чувствував бавно но ако никој не ве претекне, тоа значи и дека не сте толку бавни.“

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!