MotoGP

Воздушните перничиња ќе бидат задолжителни за Гран При возачите

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Следете нè на:

 

Започнувајќи од оваа сезона, сите Гран При возачи (Moto3, Moto2 и MotoGP) ќе мораат да носат костуми кои се опремени со воздушни перничиња. Ваквиот потег се најавуваше веќе подолг период, а целта е да се зголеми безбедноста на возачите. Правилото ќе се однесува на сите возачи кои се дел од натпреварувањето како и замените кои ќе настапат на повеќе од две трки. Правилото нема да се однесува на возачите кои ќе настапат со вајлд-карта.

Dainese D Air Race airbag suit

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. Но ако производителот се одлучи да има заштита и за грбот, тогаш тоа мора да се протега по должината на целиот рбет.

Секој систем ќе мора да исполнува и одреден број на услови во однос на видот на батеријата, електрониката, периодот кога се вклучува како и колку време му е потребнио за да го  испушти воздухот.

Можеби ќе има и исклучок на ова правило. Постојат гласини дека Хорхе Лоренцо ќе вози без воздушно перниче. Ваквиот негов избор е навистина интересен со оглед на тоа дека возачите кои се спонзорирани од страна на  „Alpinestars“ или „Dainese“ возеа со воздушни перничиња кои покажаа одлични резултати при падовите. 

Со оглед на тоа дека воздушните перничиња се покажаа како исклучително корисни како при трките така и при возењето на улица, ова е важен чекор околу целокупната безбедност на Гран При трките.

Иако во моментов има само двајца главни играчи на пазарот, постојат гласини дека неколку други компании веќе работат на сопствен дизајн на костум. Се чини дека од целата оваа работа, голема корист ќе имаат и обичните возачи.

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!