MotoGP

Вињалес: Не верував дека е возможно да победам

„Не верував дека оваа година ќе успеам да победам. Размислував само дека следната сезона ќе имам можност за победа. Искрено, многу сум среќен“ – Маверик Вињалес

Следете нè на:

 

Маверик Вињалес вели дека воопшто не се надевал дека оваа сезона ќе успее да оствари победа. Младиот Шпански возач успеа да ја победи конкуренцијата и заврши на првото место на Гран При трката која се оддржа во Силверстоун.

21 годишниот Шпанец стана првиот возач кој успеал да победи со мотоцикл на Suzuki, на суви услови, по Кени Роџерс кој успеа да победи во 2000 година. На крајот, Вињалес заврши со предност од 3.4 секунди пред Британскиот возач, Кал Кратчлоу.

vinales pobeda 1Фантастичното возење на Вињалес резултираше со неговата прва МотоГП победа

Вињалес, кој следната сезона ќе му се приклучи на Валентино Роси во тимот на Yamaha, изјави дека оваа победа е врвот во неговата досегашна кариера.

„Секако, оваа победа е мојот најдобар момент досега, но исто така не верував дека оваа година ќе успеам да го постигнам тоа. Искрено, навистина сум среќен а оваа победа е еден од најдобрите подароци што можам да му ги дадам на тимот,“ изјави Вињалес.

„Извозевме многу кругови со тврда гума и морам да им се заблагодарам на сите бидејќи мотоциклот функционираше перфектно. Се чувствував добро на мотоциклот и веќе после третиот свиок можев да забележам дека се одвојувам од останатите возачи.“

На прашањето дали овие перформансите на Suzuki ја доведуваат во прашање неговата одлука да премине во тимот на Yamaha од следната сезона, Вињалес одговори: „Искрено, тоа не ми влијае. Кога ќе одлучам нешто, се посветувам на тоа. Напорно работевме во петокот за да го подготвиме мотоциклот а исто така значителен напредок имавме и на тестот во Брно.“

vinales pobeda 2Вињалес му ја донесе првата победа на тимот на Сузуки по 9 години

„Денеска се чувствував добро и имав голема самодоверба. Имавме добра стратегија и се надевам дека ќе продолжиме во ист стил и понатаму.“

Вињалес веќе имаше предност на трката кога се појави црвеното знаме поради инцидентот во кој беа вклучени Пол Еспаргаро и Лорис Баз.  Но и после вториот старт, Вињалес за брзо време се одвои од останатите возачи.

„За нас беше тешко бидејќи голем дел од останатите возачи ги променија пневматиците а ние останавме со истите.  Мислам дека имавме перфектна трка а тоа е така поради вчерашните квалификации на кој мојата екипа вложи голем напор за јас да се најдам во првиот ред. Токму тоа ми помогна за да го освојам првото место.“

„Благодарен сум му на тимот бидејќи работи навистина напорно. Единствено што можам да кажам е дека сакам да се обидам да бидам на првото место и на следните трки. “

Вињалес сега се наоѓа на четвртото место во генералниот пласман и има 21 поен помалку од возачот на Movistar Yamaha, Хорхе Лоренцо, кој се наоѓа на третото место. 

Би можело да ве интересира

Знаеме дека за сезоната 2019 BMW Motorrad планира да објави девет модели. Иако сè уште не се знае точно кои ќе бидат тие, сепак за некои можеме да претпоставиме.

Новиот мотоцикл на Honda, CB1000R, кој има цена од 13990 евра за обичната и 14990 евра за „FOP“ верзијата изгледа помалку чудно. Јапонската компанија го нарекува „Neo Sports Café“.

We, The Riders - Ние возачите, сме возачи од целиот свет. Имаме различни професии и изгледаме различно. Но имаме едно нешто кое не обединува:  Радоста додека возиме.

Скот Рединг се извини за забелешките кои ги упати кон Aprilia по завршувањето на Австриската Гран При трка, а во кои зборуваше за недостатокот од развој и прогрес на RS-GP машината.

Можеби изгледа како застрашувачка визија за иднината, но роботот на Акрапович му овозможува на Словенечкиот специјалист за издуви да ги тестира своите производи на еден високо технолошки начин.

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!