23
Вто, Мај
MotoGP

Вињалес е решен да го победи Маркез на патеката во Остин

Ако Вињалес го победи Маркез на оваа патека, тогаш може да го победи секаде. Но дали возачот на Honda ќе возврати?

Следете нè на:

 

Откако имаше одличен старт на сезоната кој резултираше со победи во Катар и Аргентина, возачот на Yamaha, Маверик Вињалес, го очекува вистински тест на патеката во Остин.

Доколку постигне победа овој викенд, таа не само што би била 500-та за Yamaha на Гран При трките, туку и ќе ја прекине низата победи на актуелниот шампион Марк Маркез на оваа патека.

vinales pobednik 01

Откако патеката за прв пат беше додадена на календарот во 2013 година, Маркез успеваше да победи на секоја трка досега. Но возачот на Honda не е во најдобра форма и многумина сметаат дека ако Вињалес успее да го победи тука, тогаш може да го победи и на секоја друга патека.

„Следната трка е во Остин и среќен сум поради тоа бидејќи тука ја постигнав мојата прва победа во Moto2 шампионатот и го имав еден од најдобрите настапи со Suzuki. Отсекогаш сум бил добар тука,“ изјави Вињалес кој минатата сезона заврши на четвртото место на оваа патека.

„Мислам дека патеката одговара на мојот стил на возење. Имам самодоверба и верувам дека можеме да имаме уште еден успешен викенд.“

Иако Yamaha досега немала некој успешен настап на оваа патека, тимскиот директор Масимо Мерегали е убеден дека тоа ќе се промени овој викенд.

„Подлогата на патеката е интересна, иако во минатото таа не ни одговараше. Викендов ќе нападнеме уште од самиот старт. Ќе го искористиме првиот слободен тренинг за подобро да ја научиме патеката бидејќи имаме за цел да ја постигнеме 500-тата победа.“

„Нашите возачи се во одлична форма и на двајцата им одговара оваа патека. Со нетрпение чекаме да почне трката и очекуваме добар резултат.“

Пред стартот на третата трка од шампионатот, Вињалес има предност од 14 поени пред Роси во генералниот пласман.

comments

Би можело да ве интересира

Викендов на патеката Аданката во Романија се возеа шестата и седмата трка од БМУ Европскиот шампионат во брзински мотоциклизам.

Поглед кон исклучителната кариера на поранешниот MotoGP шампион

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Оф роуд мотоциклите ќе бидат забранети во некои делови од Дубаи со цел да се намали асоцијалното однесување.

Фабричкиот тим на Red Bull KTM, само што објави дека нивниот професионален возач, Рајан Данџи, одлучил да се повлече од натпреварувањето. Објавата следува кратко откако тој ја освои својата трета последователна титула во AMA 540SX шампионатот, притоа возејќи со фабричката верзија на 450 SX-F.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!