25
Пон, Сеп
MotoGP

Валентино Роси: Загубив добра шанса

„Жално е бидејќи во нормални услови, на суво или влажно, можевме да бидеме на подиумот“ - Валентино Роси

Следете нè на:

 

Валентино Роси испушти одлична можност да му се доближи на лидерот на табелата Марк Маркез во последните неколку круга од трката во Сашенринг.

За разлика од Маркез, кој излета од патеката во првиот дел од трката а потоа се најде и на четиринаесетото место откако го замени мотоциклот, Роси беше дел петмината возачи кои се бореа за врвот.

Но поради интензитетот на борбата, возачите чекаа премногу долго пред  да ги заменат мотоциклите, што му овозможи на Маркез да се врати во борбата за првото место.

motogp sachsenring 2016 17Валентино Роси

Работите станаа полоши за Роси кој имаше лош избор на пневматици и не успеа да издржи во борбата за место на подиумот.

„Тажно е бидејќи мислам дека можеме да бидеме компетитивни на суви услови а исто така и на нормална, влажна патека, можам да се борам за победа,“ изјави Роси. „Но за жал, престана да врне и патеката се исуши.  Изгубивме добра можност да освоиме поени.“

Роси, исто како и Довициозо, Кратчлоу и Барбера влезе во боксот во дваесет и третиот круг. Со оглед на брзината на Марк Маркез и Андреа Ианоне, тие останаа подолго на патеката одколку што посакуваа во нивните тимови.

Но најголемиот проблем на Роси беше малата брзина откако излезе од гаражите. За само три круга, возачот на Yamaha загуби повеќе од десет секунди во однос на Кал Кратчлоу, кој заврши на второто место и Довициозо кој беше трети.

„Главниот проблем беше дека бев многу бавен во вториот дел од трката. Немав никакво чувство на мотоциклот, не ги чувствував пневматиците.“

Поради одличната форма на Марк Маркез на мазни гуми, многумина сметаат дека ставањето на средни гуми на мотоциклот на Роси очигледно било грешка.

Иако сите возачи кои завршија пред Роси имаа барем мазна задна гума, само возачите на Honda возеа со мазни гуми на двете тркала.

motogp sachsenring 2016 14Изборот на гуми се покажа како пресуден

Тимскиот менаџер на Хорхе Лоренцо смета дека комбинацијата од стилот на возење на Марк Маркез и тенденцијата на Honda да го оптоварува предниот пневматик му помогнало на Шпанецот.

„После проблемите што ги имавме во петокот, одлучивме да ставиме средни гуми,“ изјави Роси. „Одлуката ја донесовме заедно со тимот бидејќи во петокот мазната предна гума беше премногу тврда за нас.“

„Не знам дали тоа беше погрешен избор, но на хартија мазните гуми исто така може да бидат потешки бидејќи во првиот круг немав никакво чувство и дури и со средни пневматици јас бев многу бавен.“

„Мислам дека на вакви услови не сум многу добар но исто и нашиот мотоцикл е многу тежок за возење бидејќи не дава добро чувство за да се притисне од почеток на трката. На крајот завршив на осмото место и пропуштив добра шанса да освојам повеќе поени.“

Неговиот тимски колега, Хорхе Лоренцо, имаше повеќе проблеми од него и заврши на петнаесетото место.

Роси се доближи на само 11 поени во однос на актуелниот светски шампион но сега заостанува дури 59 поени во однос на Марк Маркез.

„Навистина е тешко,“ изјави Роси за моменталната ситуација. „Во првите девет трки не ги освоив потребниот број на поени бидејќи направив неколку грешки. Разликата со Маркез е навистина тешка за да се стигне.“

„Но во секој случај, имаме уште половина од шампионатот. Девет трки се навистина многу. Треба да работиме напорно и да бидеме навистина компетитивни.“

Роси заедно со повеќето негови ривали ќе се врати на патеката за приватното тестирање кое ќе се оддржи во Австрија оваа недела.  

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!