MotoGP

Учио: Атмосферата во тимот е одлична

Роси, кој имаше затегнати односи со Лоренцо, вели дека засега одлично оди соработката со новиот колега, а тоа го потврди и неговиот долгогодишен пријател и советник, Учио Салучи.

Следете нè на:

 

Сега откако долгогодишниот колега и ривал од гаражата на Yamaha си замина од тимот, деветкратниот Светски шампион Валентино Роси доби нов колега во Маверик Вињалес. Роси, кој имаше затегнати односи со Лоренцо, вели дека засега одлично оди соработката со новиот колега, а тоа го потврди и неговиот долгогодишен пријател и советник, Учио Салучи.

rossi sreken

Во интервју за MCN, пријателот на Роси вели дека и покрај тоа што сега е многу порелаксирано во гаражата на тимот, новиот колега на Роси сигурно нема да му го направи животот полесен. 

„Сега откако си замина Лоренцо, а во тимот пристигна Вињалес, атмосферата во тимот е фантастична. Тој е многу брз и млад возач. Мотоциклот треба малку да се подобри но сигурен сум дека има голем потенцијал.“

„Ќе видиме како тоа ќе го промени Вале бидејќи Лоренцо беше многу силен и имаше големо искуство. На Маверик можеби ќе му биде потребна една година за да научи. Тој е многу брз за време на тренингот но ќе видиме каков ќе биде за време на трката. Тој е петнаесет години помлад од Валентино. Можеби тоа е преголем предизвик.“

И додека многумина сметаат дека кариерата на Роси ќе заврши по истекот на актуелниот договор во 2018 година, шефот на VR46 Riders академијата вели дека никогаш не се знае што може да се случи кога Роси е во прашање.

„Имаме 37 години и сигурно дека треба да се пензионираме за две години. Но со Валентино никогаш не се знае.Зависи од тоа дали е брз или не. Но ако продолжи како минатата сезона, зошто би запрел? Ако тој прекине да вози, а зад него минатата сезона имаше 22-ца возачи,тогаш и тие треба да престанат да се натпреваруваат!“

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!