21
Саб, Јан
MotoGP

Сем Ловс: Со нетпрение чекам да се натпреварувам во MotoGP

„Ќе биде различно и ќе морам да се прилагодам на многу работи. Но со нетрпение чекам да почнам да се натпреварувам во MotoGP,“ Сем Ловс.

Следете нè на:

 

Лидерот во Moto2 шампионатот Сем Ловс очекува да го има своето деби во MotoGP за време на тестот за Aprilia во Јуни или Јули.

Англичанецот е единствениот Moto2 возач за кого има официјална потврда дека следната сезона ќе настапува во премиерната класа. Тој ќе помине една сезона со тимот на Gresini Kalex.

sam lowes herezПобеда за Ловс на трката во Херез

„Ќе биде различно и ќе морам да се прилагодам на многу работи. Со нетпрение чекам да се натпреварувам во MotoGP. Среќен сум што имам одличен тим позади мене. Aprilia се одличен тим и ќе биде прекрасно што ќе бидам дел од тимот,“ изјави Ловс.

Ловс беше пофален за неговиот стил на возење од Марк Маркез.

„Маркез е фантастичен возач. Начинот на кој влегува во свиоци е импресивен. Мојот стил можеби е сличен на неговиот, а да не заборавиме дека во Moto2 нема електроника. Мојот стил на возење е поинаков отколку на останатите возачи и можеби тоа ми помага. Можеби повеќе притискам на сопирачките при влегување во свиок, но сепак сум брз на правец. Во секој стил има добри и лоши работи,“ изјави Ловс.

„Мојот стил можеби понекогаш е агресивен но исто така е и брз. “

Ловс ја заврши минатонеделната трка во Херез на првото место и сега има предноста од десет поени во однос на Алекс Ринс. За Ринс, Јохан Зарко и Јонас Фолгер се верува дека следната сезона ќе се натпреваруваат во MotoGP но засега се уште нема официјална потврда.

Алваро Баутиста и Штефан Брадл во моментов настапуваат за Aprilia. Од тимот се уште не одлучиле кој ќе му биде партнер на Ловс следната сезона.   

comments

Би можело да ве интересира

Tимовите почнаа да ги презентираат нивните нови обележја, нови спонзори и нови тимови за 2017 година.

Suzuki ни ја престави новата линија на супербајк мотоцикли на саемот „EICMA“ во Милано, а денеска пристигна информацијата за цената на новите модели во САД.

Се наближува првиот хипстерски состанок на годината и сигурно се прашувате како да се издвоите од сите тие луѓе кои имаат иста брада и чудни пантолони? Пристигнете на состанокот возејќи 1911 Harley-Davidson модел 7 или пак поексклузивниот 1914 Sears Deluxe.

Болоња му посака добредојде на новиот Ducati Scrambler ресторан, место кое има за цел да ги собере сите љубители на мотоциклите.

Британскиот победник на релито Дакар 2017, Сем Сандерленд, вели дека се уште е во шок од резултатот кој го постигна на овогодинешната трка.

Возачот на Monster Energy Honda, Јоан Бареда, оствари нова победа на десетатата етапа од релито Дакар 2017. Денот беше драматичен и многу возачи имаа проблеми со навигацијата на стазата која беше со должина од 400 километри.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!