22
Саб, Јул
MotoGP

Сем Ловс: Направив навистина голем чекор!

Сем Ловс разговараше со motogp.com за неговата одлична Moto2 сезона и за неговите планови за 2016 година и понатаму.

Следете нè на:

 

Сем Ловс го заврши светскиот шампионат во Moto2 за 2015 година на четвртото место со освоени 186 поени. Британецот ја оствари неговата прва победа на трката во Остин. Покрај тоа уште чети пати се качи на подиумот. И во 2016 година, Ловс ке остане во Moto2 шампионатот но ќе премине во тимот Gresini Racing каде што ќе вози Kalex. Во 2017 година ќе премине во MotoGP класата со Aprilia:

Заврши сезоната 2015. Кое е твоето мислење?

  • Мислам дека беше многу позитивна сезона за мене. Секако дека како натпреварувач сакаш постојано да победуваш и да бидеш шампион, но направив навистина голем исчекор од 2014 година и успеав да бидам конзистентен и брз на секоја трка. Затоа сум задоволен со оваа сезона. 

Четири места на подиумот плус една победа и сезоната ја заврши на четвртото место. Ова е твоја втора сезона и тоа воопшто не е лошо...

  • Да, воопшто не беше лошо. Но требаше да освоиме повеќе подиуми. Но сепак, ова е моја втора сезона и задоволен сум што напредував толку. Но сега треба да напредувам уште повеќе. 

Во 2016 година ќе преминеш во тимот на Gresini Racing. Кои се твоите цели?

  • Да бидам светски шампион.

Каква ќе биде разликата со тебе на Kalex мотоцикл. Можеш ли да го споредиш со претходниот мотоцикл?

  • Го тестирав Kalex и веднаш се заљубив во него. Тој е полесен за возење, имаш подобро чувство на него и подобар е при влегување во свиоци. И двата мотоцикли се добри. Но следната сезона и јас ќе имам ист мотоцикл како и останатите возачи, па можеби ќе ми помогне да се подобрам.

Како Британски возач, дали тоа што го имаш првиот Британски Светски Шампион покрај тебе те инспирира?

  • Да, ме инспирира и среќен сум за Британскиот мотоспорт бидејќи тој го постигна тоа. Но за мене целта е секогаш да се обидам да победам. Британските фанови се најдобри и се надевам дека ќе им се оддолжам за поддршката.

Има ли некои возачи кои мислиш дека ќе изненадат во Moto2 следната сезона?

  • Мислам дека во Moto2 сите се способни да изненадат. Според мене, Кент и Оливеира би требало да бидат силни. И Балдасари ја заврши оваа сезона добро. Исто така и двајцата возачи од Marc VDS ќе се подобрат. Според мене, Зарко и Ринс ќе се борат за титулата. Секако дека и јас ќе бидам меѓу нив!! Но навистина, можам да ви набројам најмалку 15 возачи за кои мислам дека се способни да остварат победа.

Во 2017 година ќе преминеш во MotoGP шампионатот со Aprilia. Колку е важно за тебе да го имаш овој прогрес и веќе потпишаниот договор?

  • За мене ова е навистина важно бидејќи јас сум различен од останатите возачи. Тука сум само две години и немам толку многу искуство. Затоа и не е лесно да се добие шанса. Поради тоа сум навистина благодарен и се надевам дека ќе отидам таму како Moto2 светски шампион.

Дали ќе го тестираш MotoGP мотоциклот за време на следната сезона?

  • Да, ќе тестирам следната сезона. Тоа ќе биде повеќе за мене, да се навикнам на мотоциклот и за тимот да ги добие потребните податоци.

Дали мислиш дека ќе ти биде предност или не тоа што ќе ја пропуштиш првата сезона со Мишелин пневматици во MotoGP?

  • Мислам дека кога и да отидеш во MotoGP ќе ти биде тешко, и дека ќе треба многу да учиш. Таму се најдобрите тимови и возачи. Кога ќе отидам таму, ќе работам напорно и ќе видиме што ќе се случи.

 

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!