22
Саб, Јул
MotoGP

Роси: Поздравувањето со Маркез беше исправна одлука

Валентино Роси остави простор за нормален однос со MotoGP ривалот Марк Маркез, но не е сигурен за тимскиот колега Хорхе Лоренцо.

Следете нè на:

 

Емоционалната трка во Каталуња заврши со поздрав меѓу Марк Маркез и Валентино Роси за прв пат по 2015 година.

Односот меѓу овие двајца возачи, кои некогаш беа пријатели, се наруши откако Роси го обвини Маркез дека се обидува да му помогне на Хорхе Лоренцо во борбата за титулата минатата година. Борбата ескалираше за време на сударот на патеката во Сепанг како и на трката во Валенсија.

Роси досега избегнуваше секаков контакт со Маркез, но смртта на Луис Салом донесе помирување меѓу овие двајца возачи. По завршувањето на трката, тие се ракуваа.

slack for ios upload.big

„Кога ќе се случи нешто вакво, сите други работи стануваат небитни,“ изјави Роси. „Затоа мислам дека ова беше правилна одлука.“

„Ова е одличен спорт. Наша пасија. Но исто така е и опасен.“

Маркез изјави: „Ова беше навистина тажен викенд за MotoGP. Но на крајот, ми се допадна што повторно ја имаше добрата атмосфера. Кога сите бевме заедно и кога сите му ја посветија оваа трка на Луис.“

„Сите не поддржуваа од трибините. Беа полни со почит бидејќи преземаме големи ризици. Исто така важно ми беше и што се поздравив во Валентино. Среќен сум поради тоа.“

Прашан дали ова ќе го поправи нивниот однос, Роси изјави: „Да“.

„Секако“, изјави Маркез кој беше награден со аплауз од публиката.

rosi lor 16

Но за да се подобри односот меѓу Роси и Лоренцо, можеби ќе треба малку повеќе време.

Двајцата возачи неколкупати досега разменија остри зборови.

„Добро прашање,“ изјави Роси на прашањето дали ќе се обиде да го поправи и односот со Лоренцо. „Искрено, ситуацијата со Лоренцо е малку поинаква. Откако се вратив во тимот на Yamaha секогаш прв го поздравував. Оваа година ќе почекам тој прв да ме поздрави. Но тоа досега не се случи. Затоа мислам дека е најдобро да зборувате со него.“

Прашан дали во иднина ќе присуствува на состаноците на безбедносната комисија, бидејќи не присуствуваше од трката во Сепанг минатата година, Роси изјави дека „ќе се обиде да дојде“.

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!