20
Пон, Фев
MotoGP

Роси: Големиот прашалник во Австрија е тимот на Хонда

„ ... ова може да успее само ако завршам пред Ducati и ако нивните возачи завршат меѓу мотоциклите на Yamaha и Honda“ - Валентино Роси

Следете нè на:

 

Не го знаеме потенцијалот на Honda на трката. Дали се побрзи од нас, исти како нас или побавни. Мислам дека тоа ќе биде најинтересното нешто што ќе може да се види утре.

Ова се зборовите на Валентино Роси, во контекс на можноста тимот на Ducati да ја искористи својата брзина и да се обиде да ја намали предноста од лидерот Марк Маркез.

Тимот на Ducati доминираше на неодамнешниот тест кој се оддржа на Red Bull Ring, патека која се враќа на календарот за прв пат по 1997 година. Но, на тестовите не беше присутен тимот на Repsol Honda.

rosi aust

„Сега е тешко да се разбере бидејќи Honda не присуствуваше на тестот,“ изјави Роси.

Ducati е фаворит за победа, а тоа значи и дека влоговите се повисоки за останатите претенденти за титулата.

„Да, тоа може да функционира само ако завршиме пред Ducati, а нивните возачи да завршат меѓу Yamaha и Honda. Но мислам дека ќе биде тешко,“ изјави Роси на прашањето дали Ducati може да му помогне да ја намали предноста во однос на Маркез.

Роси беше најдобриот возач на неодамнешните тестови кој не беше член на Ducati и заврши на петото место со заостанување од една секунда зад лидерот.

Неговиот тимски колега и актуелен шампион, Хорхе Лоренцо, кој се наоѓа на второто место во генералниот пласман изјави: „Интересно е за шампионатот да има уште еден тим кој вози одлично на некоја патека. Да нема веќе само патеки на Honda и Yаmaha, туку да има и патека на Ducati.“

„Ако Марк заврши на четвртото или петото место, а јас завршам на првото или второто, колку повеќе возачи има пред него, толку ќе биде подобро за шампионатот. Но тешко дека тоа ќе се случи па затоа морам да се сконцентрирам на мојот настап и да дадам се од себе. Само на тој начин ќе можам да завршам на некое од првите три места и да освојам повеќе поени.“

Следната сезона, Лоренцо ќе му се приклучи на тимот на Ducati.

comments

Би можело да ве интересира

Во каталогот можете да ги видите најдобрите производи кои се продаваат под брендовите Ariete, Harri и ARI и се наменети за мотоциклистите.

Тимот на ECSTAR Suzuki се појави на патеката со својот нов аеродинамичен пакет и покажа како Јапонскиот производител ќе се носи со забраната за употреба на крилца.

Откако постави најдобро време на вчерашниот втор ден од тестирањето на Филип Ајленд, возачот на Јамаха успеа да го повтори успехот и да го заврши пред сезонскиот тест на првата позиција.

Актуелниот Светски шампион во МотоГП, Марк Маркез, денеска полни 24 години.

Federal Mogul е глобален лидер во развојот и производството на мото производи за стандардните и оф роуд мотоцикли. Нивните производи обезбедуваат високи перформанси кои особено ги ценат најдобрите светски возачи.  

Хорхе Лоренцо призна дека тестот на Филип Ајленд започнал многу подобро отколку првиот тест во 2017 година кој го имаше во Сепанг на почетокот на овој месец. Трикратниот светски шампион на крајот на денот заврши високо на табелата.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!