23
Саб, Сеп
MotoGP

Роси го коментираше сударот помеѓу Маркез и Лоренцо

Валентино Роси ги повтори зборовите од 2005-та кога на ист начин го „претекна“ Сете Жиберно, за Докторот тоа едноставно беше цврста трка.

Следете нè на:

 

PA1322900Лоренцо доби нов ривал, младиот и талентиран Марк Маркез

Валентино Роси ги повтори зборовите од 2005-та кога на ист начин го „претекна“ Сете Жиберно, за Докторот тоа едноставно беше цврста трка.

Како што кажа и самиот Лоренцо на прес конференцијата по трката, ја оставил вратата отворена и тоа било доволна причина Маркез да се обиде да дојде до толку посакуваната втора позиција на трката. На крајот тоа и му успеа, иако влета во линијата на движење на Лоренцо, младиот Маркез трката ја заврши на втората позиција обезбедувајќи си прво место во генералниот пласман.

Валентино Роси на целата случка гледа само како на цврста трка, што е разбирливо бидејќи тој самиот беше во истата позиција во која е Маркез, во 2005-та тој влета во Сете Жиберно по што ја превзема неговата позиција.

„Според мене тоа беше тежок напад во секој случај, тежок и жесток бидејќи дојде до контакт помеѓу нив двајца. Но знаете, тоа е последен круг и последен свиок, доколку ја оставите вратата отворена човекот зад вас сигурно ќе се обиде да направи нешто.“

Ова воопшто не е изненадување, изјавата на Роси по трката со Жиберно беше: „Го поминав во последниот свиок. Сигурно дека беше тежок напад и сигурно дека Сете е лут, но знаете, тоа е нешто што се случува во тркањето.“

Роси помина без казна во 2005-та, па беше разбирливо зошто контролорите на трката во неделата не му одредија казна на Маркез. Од истата причина и тимот на Јамаха не можеше јавно да го осуди потегот на Маркез, иако Лоренцо самиот му покажа на младиот возач дека не е во ред тоа што го направи. Лоренцо одби да се ракува со Маркез, а потоа откако доби извинување се чини дека се помири со третата позиција. 

Бевме сведоци на трилер завршница во свиокот кој беше наречен Хорхе Лоренцо пред почетокот на трката, но она што е поважно е што добивме нови ривали кои ќе го кренат нивото на натпреварување во МотоГП, а нам гледачите тоа и ни треба.

 

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!