23
Саб, Сеп
MotoGP

Репортажа: Германското МотоГП со Мотул

Благодарение на увозникот на Мотул за Македонија, Акома Оил, имавме прилика да присуствуваме на трката за Германското Гранд При на патеката Захсенринг.

Следете нè на:

 

Благодарение на увозникот на Мотул за Македонија, Акома Оил, имавме прилика да присуствуваме на трката за Германското Гранд При на патеката Захсенринг.

gp germanija mm93 1Маркез со седма последователна победа во Германија

Викендов присуствуваме на деветтата Гранд При трка од МотоГП календарот која се одржа на патеката Захсенринг во Германија. Благодарение на момците од Мотул имавме прилика да уживаме во најпрестижното Светско мото натпреварување. Мотул како спонзор на трката се покажа во вистинско светло, со прекрасна организација како за гледачите така и за нас среќниците кои добивме можност да го поминеме викендот со нив.

motogp motul germanijaЕкипата од Македонија која присуствуваше на трката во Захсенринг

Пречекот беше фантастичен, бевме сместени во градот Кемниц кој е во близина на патеката, а организаторите се потрудија секој момент да ни биде исполнет. Почнувајќи од петокот, по тренинзите на патеката имавме прилика да се дружиме со останатите застапници на Мотул од цела Европа, а во саботата дружбата продолжи со вкусна германска скара и пиво. Во саботата и неделата имавме прилика да влеземе во падокот, а беше вистинска привилегија да се видат во живо сите МотоГП ѕвезди.

gp germanija padok 1Поглед на боксовите во Захсенринг

Искуството кое ни го овозможи Мотул е бесценето, од дружењето до сето она што можеше да се види на и околу патеката, а како цреша на шлагот беше посетата на Пол Еспергаро, Бредли Смир, Маверик Вињалес и Алеш Еспергаро во приватниот дел на Мотул каде возачите делеа автограми и се дружеа со присутните.

gp germanija motul 1Бредли Смит и Пол Еспергаро во приватниот дел на Мотул во Захсенринг

Огромна благодарност до Акома Оил и Мотул за неверојатното искуство, а сега да се навратиме на она за што дојдовме, трката.

Повремен дожд се очекуваше пред почетокот на трката во Германија а престана да врне само што започна трката. Се појави дилема кај тимовите и возачите кои се обидуваа да го најдат вистинскиот момент да ги заменат мотоциклите.

Вистинската одлука ја донесе Repsol Honda. Ризикот да го остават Марк Маркез на почетокот да вози со мазни гуми им ја донесе седмата последователна победа во Сашенринг. На крајот тие завршија со предност од 10 секунди во однос на Кал Кратчлоу. Возачот на LCR успеа да го претекне неговиот сонародник, Скот Рединг  во последниот круг, а веднаш по него истото успеа да го направи и Андреа Довициозо.

gp germanija dozd 1Дождот во Германија донесе непредвидлива трка

Откако Маркез беше претекнат од Роси во третиот свиок, се чинеше дека лидерот на табелата  до крајот на трката ќе се обиде да спаси само некој поен. Но после обилните врнежи од дожд утрото и погрешниот избор на пневматици, Шпанецот мораше да биде внимателен.

Довициозо се обиде да го престигне Роси после три круга, а три свиоци подоцна истото го стори и Петручи.  После еден круг, возачот на Pramac го престигна и Довициозо.

Џек Милер се најде на шестото место откако се изгасија светлата, притоа поминувајќи ги Хектор Барбера и Марк Маркез. Но сепак не успеа да ја намали предноста во однос на првите тројца возачи. Дани Педроса имаше слаб старт но успеа да се врати во трката.

gp germanija trka 1Изборот на гуми и влегувањето во боксот на крајот се покажа како пресудно

На 20 круга до крај, Јанон испадна и му го препушти водството на Довициозо. Слична незгода доживеа и Маркез, но сепак успеа да се врати на патеката.

На седумнаесет круга до крајот, Јанон ги замени пневматиците, надевајќи се дека на тој начин ќе успее да постигне подобар пласман. Во меѓувреме, Барбера неколку пати се обиде да го престигне Роси, а веднаш зад нив беше Кал Кратчлоу кој возеше со неверојатна брзина и беше првиот кој успеа еден круг да го извози за 1 минута и 34 секунди.

gp germanija rosi 1Катастрофална трка за Роси

На тринаесет круга до крајот, Маркез го замени мотоциклот. Работата на механичарите не беше баш најдобра, но за среќа и првите пет возачи исто така беа надвор од трката. Ваквата одлука се покажа како лоша за Роси. Милер одлучи да остане надвор од трката малку подолго но сепак не успеа да му побегне на Маркез и Шпанецот го претекна еден круг подоцна.

Рединг храбро се бореше против Кратчлоу но на крајот сепак беше неуспешен откако Британецот успеа да ги помине него и Довициозо во последниот круг. На крајот Рединг заврши на четвртото место пред Ианоне. Педроса и Милер успеаа да го престигнат Роси и да завршат на шестото и седмото место.

gp germanija reding 1Скот Рединг на крајот остана без подиум

Единствената работа што би можела да го утеши Роси е фактот дека неговиот тимски колега Јорхе Лоренцо заврши надвор од топ 10.

Со оваа победа Маркез ја зголеми предноста во однос на Лоренцо на 48 поени а Роси заостанува дополнителни 11.

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!