Во генералниот пласман сега Маркез има предност од 13 бодови пред Лоренцо, а Педроса веќе не е во игра за титулата.
Во генералниот пласман сега Маркез има предност од 13 бодови пред Лоренцо, а Педроса веќе не е во игра за титулата.
Иако временските прилики донесоа многу промени во распоредот пред трката за ГН на Јапонија, беа откажани сите сесии во петокот, а саботните сесии беа променети, сепак неделната трка се одржа под ведрото небо на Мотеги.
Одличниот старт на Лоренцо на трката се покажа како пресуден бидејќи на крајот бевме сведоци на негова победа во која од четвртата пол позиција во сезоната шпанецот дојде до победата на Мотеги. Валентино Роси на стартот го оддалечи Маркез од Лоренцо но тоа траеше само неколку кругови, бидејќи Докторот направи грешка по која го поминаа Маркез и Педроса. Свиокот со бр. 11 за Докторот повторно се покажа малерозен, втората грешка овојпат наместо на четвртата позиција го врати назад на деветото место. Во меѓувреме Маркез успеа да ја намали предноста на Лоренцо кој беше на екстра меки гуми за разлика од возачите на Хонда на меки гуми, но тоа беше се што видовме од нивниот дуел. По половина од трката Маркез направи грешки во свиокот бр.11, а потоа и во свиокот бр.1 по што Лоренцо направи недостижна предност за младиот возач.
До крајот немаше никакви возбудувања во борбата за првите позиции, Лоренцо возеше беспрекорно за прво место, Маркез за второ, а Педроса дојде до 12-от подиум во сезоната освојувајќи го третото место. Алваро Баутиста повторно прикажа одлично возење освојувајќи го четвртото место пред Штефан Брадл, а Валентино Роси до крајот успеа да се искачи до шестата позиција.
Поз. | Поени | Бр. | Возач | Тим | Мотор | Разлика |
---|---|---|---|---|---|---|
1 | 25 | 99 | Jorge LORENZO | Yamaha Factory Racing | Yamaha | 42'34.291 |
2 | 20 | 93 | Marc MARQUEZ | Repsol Honda Team | Honda | +3.188 |
3 | 16 | 26 | Dani PEDROSA | Repsol Honda Team | Honda | +4.592 |
4 | 13 | 19 | Alvaro BAUTISTA | GO&FUN Honda Gresini | Honda | +19.755 |
5 | 11 | 6 | Stefan BRADL | LCR Honda MotoGP | Honda | +22.810 |
6 | 10 | 46 | Valentino ROSSI | Yamaha Factory Racing | Yamaha | +24.637 |
7 | 9 | 35 | Cal CRUTCHLOW | Monster Yamaha Tech 3 | Yamaha | +27.496 |
8 | 8 | 38 | Bradley SMITH | Monster Yamaha Tech 3 | Yamaha | +30.969 |
9 | 7 | 69 | Nicky HAYDEN | Ducati Team | Ducati | +37.010 |
10 | 6 | 4 | Andrea DOVIZIOSO | Ducati Team | Ducati | +42.944 |
11 | 5 | 21 | Katsuyuki NAKASUGA | Yamaha YSP Racing Team | Yamaha | +53.345 |
12 | 4 | 5 | Colin EDWARDS | NGM Mobile Forward Racing | FTR Kawasaki | +1'03.213 |
13 | 3 | 14 | Randy DE PUNIET | Power Electronics Aspar | ART | +1'06.840 |
14 | 2 | 29 | Andrea IANNONE | Energy T.I. Pramac Racing | Ducati | +1'08.218 |
15 | 1 | 68 | Yonny HERNANDEZ | Ignite Pramac Racing | Ducati | +1'18.240 |
16 | 8 | Hector BARBERA | Avintia Blusens | FTR | +1'19.108 | |
17 | 7 | Hiroshi AOYAMA | Avintia Blusens | FTR | +1'21.174 | |
18 | 9 | Danilo PETRUCCI | Came IodaRacing Project | Ioda-Suter | +1'30.546 | |
19 | 70 | Michael LAVERTY | Paul Bird Motorsport | ART | +2'23.358 | |
20 | 71 | Claudio CORTI | NGM Mobile Forward Racing | FTR Kawasaki | 1 круг | |
21 | 50 | Damian CUDLIN | Paul Bird Motorsport | PBM | 1 круг | |
22 | 67 | Bryan STARING | GO&FUN Honda Gresini | FTR Honda | 1 круг | |
Без пласман | ||||||
41 | Aleix ESPARGARO | Power Electronics Aspar | ART | 12 круга | ||
23 | Luca SCASSA | Cardion AB Motoracing | ART | 23 круга | ||
52 | Lukas PESEK | Came IodaRacing Project | Ioda-Suter | 23 круга |
Иако трката не беше возбудлива, притисокот беше огромен, Маркез не успеа во вториот обид да ја освои титулата, па сега останува последната трка во сезоната да го одлучи шампионот. Трибините на патеката Валенсија на 10-ти ноември ќе бидат преполни, МотоГП шампионатот стана возбудлив и неизвесен со последните случувања па најдобар начин да се одреди шампионот е последната трка.