20
Чет, Јул
MotoGP

По првиот тренинг, Педроса осми, Маркез четврти

„Го пропуштив свиокот три пати на истото место. Се надевам дека ќе го поправиме за утре“- Дани Педроса

Следете нè на:

 

pedrosa originalПрвиот тренинг под очекувањата за Педроса

„Го пропуштив свиокот три пати на истото место. Се надевам дека ќе го поправиме за утре“- Дани Педроса

Возачот на Repsol Honda, Дани Педроса, имаше осмо најбрзо време на патеката Лосали во Катар. Шпанецот призна: „Денес не беше нашиот ден.“

Педроса, кој постојано беше меѓу најдобрите на претсезонските тестови, со својот фабрички RC213V постигна време од 1м 57.749с и заостана 1.064с зад актуелниот светски шампион Хорхе Лоренцо.

Вицешампионот од минатата сезона, кој три пати излета од патеката, откри дека имал проблеми при влегувањето во свиок.

„Имав проблем при влегувањето во еден свиок,“изјави Педроса. „Незнам зашто. Го пропуштив свиокот три пати на истото место. Се надевам дека ќе го поправиме тоа за утре. Денес не беше нашиот најдобар ден.“

Тимскиот колега на Педроса, Марк Маркез беше четврти со време од 1м 57.276с.  

Актуелниот Moto2 светски шампион се искачи на третото место но сепак на крајот заврши позади триото на Yamaha, Лоренцо, Кал Кратчлоу и Валентино Роси.

Маркез, кој беше 0,591с зад Лоренцо, призна дека се чувствува малку нервозен пред неговата прва трка во недела.

„Вистината е дека бев малку нервозен, пред се на стартот, но тоа е нормално,“изјави тој. „Преминав преку тоа и се фокусирав на тренингот, исто како што правевме во Moto2 минатата сезона-напорна работа и фокусирање на трката.“

„Имав стабилен напредок и се чувствував добро што е важно на стартот, но не смееме да заборавиме дека ова е само почеток.“ додаде Маркез.

 

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!