Првиот ден од слободните тренинзи на патеката Сепанг пред трката за ГН на Малезија помина во знакот на Хорхе Лоренцо.

Првиот ден од слободните тренинзи на патеката Сепанг пред трката за ГН на Малезија помина во знакот на Хорхе Лоренцо.

По завршените два тренинга на патеката Сепанг Хорхе Лоренцо ја предводи листата со време од 2'00.246. Иако неговиот резултат не е далеку пред конкуренцијата (Дани Педроса е зад него со заостанување од само 0.047) сепак е важен за играта помеѓу него и Роси. „Докторот“ на прес конференцијата пред трката го привлече вниманието на светската јавност со изјавата дека Марк Маркез му помага на Хорхе Лоренцо. Лоренцо по првиот ден му возвраќа на Роси со најдобро време на патеката во моменти кога Роси е петти.

Возачите на Хонда исто така имаа успешни тренинзи, Дани Педроса беше најбрз на FP1, а втор на FP2, но заради подоброто комбинирано време водечки на листата во моментот е Лоренцо. Марк Маркез е трет со заостанување од +0.226 зад Лоренцо, а на четвртата позиција се најде Андреа Јанон.

Времињата од првите тренинзи секако наговестуваат одлична трка во недела, играта со зборови на Роси додаде дополнителна тензија па останува само да се наспиеме добро за да можеме да ги проследиме ноќните сесии.

Сабота (24.10.2015) - SportKLub 1

За комбинираните времиња од Сепанг кликнете овде.