MotoGP

MotoGP: Зарко планира да освои место на подиумот во Арагон

Јохан Зарко вели дека целта му е освојување на место на подиумот на претпоследната трка која се вози во Европа за оваа сезона.

Следете нè на:

 

 

Јохан Зарко вели дека целта му е освојување на место на подиумот на претпоследната трка која се вози во Европа за оваа сезона. MotoGP тимовите овој викенд ќе заминат во Арагон, а после тоа следува три неделниот пат во Азија пред тие повторно да се вратат во Европа за последната трка оваа сезона која ќе се вози во Валенсија.

IMGP7855 copy

Сѐ уште во борба со Кал Кратчлоу за местото најдобар независен возач и со мала предност во однос на тимскиот колега Јонас Фолгер, Зарко вели дека целта овој викенд му е да постигне уште еден добар резултат.

„Мотивиран сум да постигнам добар резултат тука. Би сакал да завршам меѓу петте најдобри возачи, а ако постои можност да се борам и за место на подиумот. Ќе се обидам да се сетам на работата која ја завршивме во Мисано, која беше навистина позитивна, и каде што тимот и јас значително се подобривме.“

„Во неделата немавме среќа, но сакам да постигнам добар резултат во Арагон за да заборавам на тоа. Сигурен сум дека ќе можеме да освоиме многу поени во шампионатот и ќе бидеме подготвени за трите трки кои ќе се возат во октомври.“

Иако Зарко има предност од 26 поени предност, неговиот тимски колега, Јонас Фолгер вели дека ќе се обиде да ја намали разликата овој викенд на патеката која му е една од омилените.

„Како и секогаш, со нетрпение ја чекам трката во Арагон бидејќи мислам дека таа е една од најдобрите патеки. Сигурно дека ќе го имаме типичното шпанско време таму, а плус и подлогата на патеката е одлчина и секогаш е интересно кога се вози таму. Има добар микс на свиоци, места за сопирање и долг правец.“

„Се надевам дека ќе освоиме повеќе поени отколку на трката во Мисано бидејќи се уште сакам да ја освојам наградата за дебитант на годината.“

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!