Со двете последователни победи Лоренцо ја намали предноста во генералниот пласман на Маркез на 34 бода, а до крајот на шампионатот преостануваат уште 5 трки.

Лоренцо трета година по ред победува во Сан Марино

Со победата на вчерашната трката на патеката Мизано (Марко Симончели) во Сан Марино, Лоренцо забележа хет-трик победувајќи на истата патека и во изминатите две години.

Лоренцо ја започна трката од втората позиција, но веднаш изби на чело од колоната, а сопственикот на пол позицијата, Марк Маркез во почетниот круг падна до третата позиција. Потоа Маркез направи грешка и во свиокот со број 8, но шпанецот не дозволи тоа да го оддалечи од пиедесталот. 

Одличното возење на Маркез придонесе од четвртата позиција да ги помине Роси и Педроса, но во меѓувреме Лоренцо веќе имаше направено солидна предност која беше недостижна.

Со двете последователни победи Лоренцо ја намали предноста во генералниот пласман на Маркез на 34 бода, а до крајот на шампионатот преостануваат уште 5 трки. Следната трка се вози на 29-ти септември на патеката Моторленд Арагон во Шпанија.