21
Вто, Фев
MotoGP

MotoGP: Вињалес е сигурен дека ќе има добар настап

„Секако, ќе возам навистина агресивно ако мислам дека така ќе бидам лидер на трката“ - Маверик Вињалес

Следете нè на:

 

Маверик Вињалес уште еднаш беше главна тема на разговор откако постигна најдобро време на вториот тест во Катар. Плус, тој се уште не го употребил новиот менувач на Suzuki.

На настап кој не го одбележаа никакви посебни достигнувања, Вињалес беше за 0.072 секкунди побрз од актуелниот шампион Хорхе Лоренцо на вториот ден од тестот.

Вињалес разговараше за неговиот мотоцикл и за тоа како се однесува мотоциклот во првите и во последните неколку круга од трката. Тој смета дека зголемената моќност на мотоциклот ќе му го олесни возењето во првите неколку кругови.

valencia testoctmaverick vinales3Маверик Вињалес на тестот во Валенсија

„Притиснав повеќе за да бидам во рамките на 1м 55с. со полн резервоар, но тоа беше опасно и се одлучивме да прекинеме,“ изјави Каталонецот. „Но во секој случај, ќе се обидеме повторно. Првиот дел од тестот го возев со тврда гума, па затоа беше тешко. Но кога се вратив на старите гуми, бев навистина самоуверен. Извозев три круга и постигнав најдобро време. Тогаш бев фокусиран на мотоциклот. Ја подобривме електрониката и бевме малку подобри од претходно.“

„Минатата година, на последниот дел од трката бевме навистина силни. Мислам дека и оваа година ќе биде исто. На тестот извозев шест или седум круга едно по друго, а веднаш после тоа доајдоа моите најдобри моменти. Се чувствував добро и имав самодоверба со пневматиците.“

За чувството да вози мотоцикл кој има полн резервоар со гориво, тој изјави: „Немав проблеми со мотоциклот при сопирање и покрај тоа што тој беше полн со гориво. Ако почнам во првиот ред, секако дека ќе возам агресивно и ќе го дадам најдоброто од себе во првите неколку кругови. Минатата сезона беше тешко бидејќи не можевме да ја задржиме брзината на правите делови. Мислам дека оваа година ќе бидеме подобри. Секако дека ќе бидам агресивен ако мислам дека тоа ќе ме однесе на врвот.“

Откако постигна најдобро време со шасијата од 2015, Вињалес имаше можност да ја проба и новата за 2016, па има време пред почетокот на сезоната да се одлучи со која ќе настапува. Она што е ново за него е дека на последниот ден од тестирањето имаше прилика да извози неколку кругови со новиот „seamless“ менувач за кој изјави дека е дополнително подобрување на мотоциклот.

 

comments

Би можело да ве интересира

Нашиот најдобар натпреварувач на Балканскиот шампионат во брзински мотоциклизам во класата до 125цц од оваа сезона ќе настапува со лиценца од мото клубот „Enduro Team Vodno“.

КТМ е новиот тим кој ќе биде дел од 2017 MotoGP шампионатот. Според резултатите кои ги постигнаа за време на тестовите на Филип Ајленд, очигледно е дека тимот се уште го чека работа.

Џонатан Реа ги потсети своите ривали дека ќе биде еден од фаворитите откако го заврши претсезонскиот тест на Филип Ајленд на првото место

Двоецот на КТМ, Бредли Смит и Пол Еспаргаро, се задоволни од резултатите што ги постигнаа на вториот од трите MotoGP тестови.

Моделот на Yamaha, XSR900, ја освои престижната „iF Design“ награда за 2017 година.

Во каталогот можете да ги видите најдобрите производи кои се продаваат под брендовите Ariete, Harri и ARI и се наменети за мотоциклистите.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!