MotoGP

MotoGP: Температурите растат, а времињата паѓаат на најновиот тест на KTM

„Не ни беше лесно во изминативе неколку месеци и поради тоа е особено важно што се намалува времето од еден извозен круг“ – Мика Калио

Следете нè на:

 

Обемната тест програма на КТМ пред деби настапот во 2017 година продолжи и на патеката во Херез, каде што Ренди де Пуние му се приклучи на главниот тест возач Мика Калио.

За прв пат беа обезбедени и пневматици од Michelin. Техничкиот директор Себастиан Рисе за нив изјави дека се многу слични како оние што се користат на Шпанската Гран При трка.

ktm motogp kalio

„Нашата цел тука беше да го потврдиме напредокот што го постигнавме во Брно. Но сепак, поради временската состојба, успеавме и да видиме како мотоциклот ќе се однесува за време на екстремни услови. Морам да признаам дека немавме големи проблеми.“

„Исто така и за прв пат имавме пневматици од Michelin кои се многу слични како оние што се користат за време на Гран При викендот кој се оддржува на оваа патека. Поради ова можевме да обрнеме внимание на повеќе работи и видовме дека има значителен напредок на времето кое го постигнуваме од еден извозен круг, во споредба со претходните тестови што ги имавме на оваа патека.“

„Мотоциклот се повеќе се однесува на патеката на вистинскиот начин, “ изјави Калио.  „Не ни беше лесно во изминативе неколку месеци и поради тоа е особено важно што се намалува времето од еден извозен круг. Тоа е исто така добро и за мотивацијата на тимот. Мислам дека постигнавме извонреден напредок и ќе биде интересно да видиме што ќе направиме кога ќе се соочиме со конкуренцијата.“

Следниот тест на KTM ќе се оддржи за две недели во Италија. На тестот се очекува да настапи уште еден нов возач, неколкукратниот Moto2 шампион, Томас Лути.

Тимот на KTM потврди дека Бредли Смит и Пол Еспаргаро ќе бидат главните возачи во новата сезона, а Калио ќе бие главниот тест возач.

Би можело да ве интересира

Како што можете да забележите по огласите за продажба на мотоцикли, возраста се повеќе ги принудува возачите засекогаш да се откажат од своите мотоцикли.

Во Хонда салонот на Макпетрол пристигна новиот Honda CB125R 2018.

Организаторите на релито Дакар само што ги соопштија нивните првични планови за 2019 година. Следната сезона, оваа исклучително тешка трка ќе се оддржи само во една држава: Перу.

MV Agusta по пауза од 40 години повторно ќе биде дел од Гран При трките. Легендарната Италијанска компанија од 2019 година ќе биде дел од Moto2 серијата.

Патеката Ле Ман во Франција беше домаќин на петтата трка до МотоГП шампионатот. Марк Маркез уште еднаш го потврди својот авторитет откако победи со предност од 2.31 секунда пред второпласираниот Петручи.

Дукати го обезбеди потписот на Довициозо, но сѐ уште не е познато кој ќе биде негов тимски колега.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!