motori 2012_australia_sun_pic_1Пред последната трка во МотоГП шампионатот ќе биде запаметена по неверојатната победа на Кејси Стонер пред домашната публика, но и по втората титула во шампионатот за Хорхе Лоренцо.

2012 australia_sun_pic_1

Пред последната трка во МотоГП шампионатот ќе биде запаметена по неверојатната победа на Кејси Стонер пред домашната публика, но и по втората титула во шампионатот за Хорхе Лоренцо. Прекрасното време на Филип Ајленд ветуваше трка до последниот круг, доколку за победникот однапред се знаеше, битката помеѓу Педроса и Лоренцо беше она за кое вредеше да се стане во 6 часот изутрина. 

2012 australia_sun_pic_2_copy

Кејси Стонер трката ја започна од пол позицијата, тој имаше забележано пет последователни победи на домашната патека, па на прсти се броеа оние кои сметаа дека некој друг возач може да му го одземе збогувањето со домашната публика на Стонер. Сепак стартот навести дека нема да биде така лесно, бидејќи најпрво Лоренцо, а веднаш потоа и Педроса успеаа да го поминат австралијанецот, за на почетокот од вториот круг, се да биде завршено. Дани Педроса кој беше на првата позиција влезе премногу широко во свиокот при што го загуби предниот дел и падна. Иако падот не беше страшен, заради проблеми со моторот тој се повлече во пит стопот, а Лоренцо веднаш беше известен дека бројот 26 е надвор од патеката. До крајот имавме прилика да ја следиме борбата за четвртата позиција, бидејќи напред беше се познато. Стонер дојде до победа пред домашната публика со предност од 9 секунди, Лоренцо воопшто не форсираше и втората позиција му ја донесе титулата, а до втор подиум во сезоната дојде и Кал Крачлоу со одличното возење на својата сателитска Јамаха.

2012 australia_sun_pic_6

Интересна беше борбата помеѓу Довициозо, Баутиста и Брадл која на крајот му припадна на Довициозо, а тројцата низ целната линија поминаа за време од една стотинка. Валентино Роси мораше да се задоволи со седмата позиција, додека неговиот клубски колега Ники Хејден  финишираше на осмата позиција.


По крајот на трката емоциите беа големи, Кејси Стонер се збогуваше од домашната публика со шеста последователна победа на Филип Ајленд, а Лоренцо ја прослави втората титула во кралската класа, вкупни четврта во кариерата (2006 и 2007-ма ја освои титулата во класата до 2500цц). По завршувањето на трката Лоренцо не штедеше зборови да го пофали Стонер -„Го почитувам Стонер премногу бидејќи тој е нај талентираниот возач кој го познавам. Чист талент, екстремно брз. Тој се одлучи да се повлече од трките и да му го посвети животот на семејството, па навистина ќе ни недостасува.“

lorenzo-philip-island-title 

„Навистина е тешко да се бориш со возачи како Стонер и Педроса, и да возиш против фабрики како што е Хонда, мораш да бидеш постојано фокусиран и конзистентен во возењето. Моравме да ги завршиме сите трки и да внимаваме, навистина беше тешко. Затоа денеска е посебен ден, би сакал да му се заблагодарам на мојот тим, Јамаха, на семејството, пријателите, спонзорите...сите кои веруваа во мене и кои сакаа да победам. Ви благодарам!“ - изјави Лоренцо по завршувањето на трката.


Резултати од Филип Ајленд (Рунда 17)
1 Casey Stoner 41'01.324 AUS HONDA Repsol Honda Team
2 Jorge Lorenzo +9.223 SPA YAMAHA Yamaha Factory Racing Team
3 Cal Crutchlow +14.570 GBR YAMAHA Monster Yamaha Tech 3
4 Andrea Dovizioso +23.303 ITA YAMAHA Monster Yamaha Tech 3
5 Alvaro Bautista +23.432 SPA HONDA San Carlo Honda Gresini
6 Stefan Bradl +23.467 GER HONDA LCR Honda MotoGP
7 Valentino Rossi +37.113 ITA DUCATI Ducati Team
8 Nicky Hayden +38.387 USA DUCATI Ducati Team
9 Karel Abraham +52.613 CZE DUCATI Cardion AB Motoracing
10 Aleix Espargaro +1'00.299 ESP ART Aspar Team MotoGP
11 Randy De Puniet +1'00.342 FRA ART Aspar Team MotoGP
12 Hector Barbera +1'21.951 SPA DUCATI Pramac Racing
13 Danilo Petrucci +1'27.857 ITA IODA Ioda Racing Project
14 Michele Pirro 1 круг ITA HONDA San Carlo Honda Gresini
15 Ivan Silva 1 круг SPA BQR-FTR BQR
16 Roberto Rolfo DNF ITA ART Speed Master
17 Colin Edwards DNF USA SUTER NGM Mobile Forward Racing
18 James Ellison DNF GBR ART Paul Bird Racing
19 Dani Pedrosa DNF SPA HONDA Repsol Honda Team
Генерален пласман
1 Jorge Lorenzo 350 бод. SPA YAMAHA Yamaha Factory Racing Team
2 Dani Pedrosa 307 бод. SPA HONDA Repsol Honda Team
3 Casey Stoner 238 бод. AUS HONDA Repsol Honda Team
4 Andrea Dovizioso 208 бод. ITA YAMAHA Monster Yamaha Tech 3
5 Alvaro Bautista 165 бод. SPA HONDA San Carlo Honda Gresini
6 Valentino Rossi 157 бод. ITA DUCATI Ducati Team
7 Cal Crutchlow 151 бод. GBR YAMAHA Monster Yamaha Tech 3
8 Stefan Bradl 135 бод. GER HONDA LCR Honda MotoGP
9 Nicky Hayden 122 бод. USA DUCATI Ducati Team
10 Ben Spies 88 бод. USA YAMAHA Yamaha Factory Racing Team
11 Hector Barbera 83 бод. SPA DUCATI Pramac Racing
12 Aleix Espargaro 69 бод. ESP ART Aspar Team MotoGP
13 Randy De Puniet 58 бод. FRA ART Aspar Team MotoGP
14 Karel Abraham 50 бод. CZE DUCATI Cardion AB Motoracing
15 Michele Pirro 32 бод. ITA HONDA San Carlo Honda Gresini
16 James Ellison 28 бод. GBR ART Paul Bird Racing
17 Yonny Hernandez 28 бод. COL BQR-FTR BQR
18 Colin Edwards 25 бод. USA SUTER NGM Mobile Forward Racing
19 Danilo Petrucci 19 бод. ITA IODA Ioda Racing Project
20 Jonathan Rea 17 бод. GBR HONDA Repsol Honda Team
21 Mattia Pasini 13 бод. ITA ART Speed Master
22 Ivan Silva 12 бод. SPA BQR-FTR BQR
23 Toni Elías 10 бод. SPA DUCATI Pramac Racing
24 Katsuyuki Nakasuga 7 бод. JAP YAMAHA Yamaha Factory Racing Team
25 Steve Rapp 2 бод. USA N/A Attack Performance
26 David Salom 1 бод SPA BQR-FTR BQR
27 Roberto Rolfo 0 бод. ITA ART Speed Master
28 Franco Battaini 0 бод. ITA DUCATI Ducati Team
29 Chris Vermeulen 0 бод. AUS SUTER NGM Mobile Forward Racing
30 Aaron Yates 0 бод. USA N/A GP Tech
Back To Top