MotoGP

MotoGP Шпанија: Маркез заминува на патеката во Херез како лидер на табелата

„Многу сум среќен што заминувам во Херез со мала предност во шампионатот бидејќи мислам дека нашите ривали ќе бидат многу силни“ – Марк Маркез

Следете нè на:

 

И покрај тешкиот период кој го имаа во текот на зимата, Марк Маркез и Honda успеаја да остварат две победи во првите три трки и со 21 поен предност заминуваат на трката во Херез која ќе се оддржи овој викенд. Единствената претходна победа на оваа патека Маркез ја оствари во 2014 година кога имаше 10 победи по ред.

markez herez 16Маркез се надева дека успехот од САД ќе го повтори и во Шпанија

Актуелниот првак Лоренцо, кој потврди дека во 2017 година ќе премине во Ducati, во моментов е единствениот ривал на Маркез во борбата за титулата.

„Многу сум среќен што заминувам во Херез со мала предност во шампионатот бидејќи мислам дека нашите ривали ќе бидат многу силни“, изјави Маркез.

„Исто така сум задоволен и од работата што ја направивме со мојот тим бидејќи постепено напредувавме чекор по чекор. Поставивме добра основа на трката во Катар и понатаму се надградувавме во неколку области, како што се моторното сопирање и електрониката, особено во Аргентина и Тексас.“

„Но во секој случај, има простор за напредок, особено при забрзувањето. Покрај тоа, патеките во Европа се различни и се направени од поинаков материјал. Ќе мораме да почекаме и да видиме како ќе се справиме со ситуацијата.“

„Среќен сум што ќе се вратам во Шпанија. Натпреварувањето пред домашната публика секогаш ми буди убаво чувство и ми дава дополнителна мотивација.“

Овој период минатата година Маркез беше на петтото место и имаше 36 поени. Потписот на Лоренцо за Ducati речиси сигурно ќе значи и останување на Маркез во тимот на Honda.

 

Би можело да ве интересира

Шест возачи, шест видеа, скокови кои никогаш не завршуваат

Тешко е да се чува тајна во MotoGP. А една од најлошо чуваните тајни беше онаа дека Сепанг Интернационалната патека или скратено SIC, планира да има свој MotoGP тим.

Знаеме дека за сезоната 2019 BMW Motorrad планира да објави девет модели. Иако сè уште не се знае точно кои ќе бидат тие, сепак за некои можеме да претпоставиме.

Новиот мотоцикл на Honda, CB1000R, кој има цена од 13990 евра за обичната и 14990 евра за „FOP“ верзијата изгледа помалку чудно. Јапонската компанија го нарекува „Neo Sports Café“.

We, The Riders - Ние возачите, сме возачи од целиот свет. Имаме различни професии и изгледаме различно. Но имаме едно нешто кое не обединува:  Радоста додека возиме.

Скот Рединг се извини за забелешките кои ги упати кон Aprilia по завршувањето на Австриската Гран При трка, а во кои зборуваше за недостатокот од развој и прогрес на RS-GP машината.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!