28
Вто, Фев
MotoGP

MotoGP Сан Марино: Роси и Лоренцо имаа вербална расправија после трката

„Не мораше да го направи тоа претекнување, беше подобар од мене денеска и порано или подоцна ќе ме претекнеше. Но, не мораше да биде толку агресивен“ – Хорхе Лоренцо

Следете нè на:

 

Колегите од тимот на Movistar Yamaha, Валентино Роси и Хорхе Лоренцо имаа вербален судир на патеката во Мисано. Актуелниот шампион Лоренцо, го обвини Италијанецот дека бил премногу агресивен.

Роси,  агресивно се обиде да го претекне Лоренцо во вториот круг, што пак му предизвика проблеми на Шпанецот.  Нервозниот Лоренцо, кој беше исвиркан од фановите на Роси додека беше на подиумот, изјави дека поради тој потег за малку ќе излетал од патеката.

PA2019516.0008

Возачот на Repsol Honda, Дани Педроса, на сличен начин го претекна Роси подоцна на трката. „Докторот“ изјави дека немал никаков проблем со тој маневар: „Ова е трка и се обидуваш да победиш.“

Во однос на претекнувањето на Лоренцо, Роси изјави: „Како што кажав и претходно, претекнувањето во Мисано е секогаш тешко, и тоа секогаш сакам да го правам на почеток бидејќи сакам да се обидам да променам нешто.“

CsElbsWWEAEUBa3

Лоренцо, кој беше прашан да го каже своето мислење во однос на претекнувањето, изјави:

Лоренцо: „Можеби го поставувате ова прашање бидејќи потегот беше агресивен. Бидејќи ако не е така, тогаш нема да го поставите ова прашање. Можете да имате различни размислувања. Според мене, претекнувањето можеби беше преагресивно. Не мораше да го направи тоа, но го знаете неговиот стил. Другите возачи претекнуваат на поинаков начин.“ (Роси се смее)

Лоренцо: „Тоа е така, не ли знаеш?“

Роси: „Не, не.  Види го повторно претекнувањето на телевизија.“

Лоренцо: „ Ако не го исправев мотоциклот ќе се судревме. Можеби ти немаше да паднеш, но јас сигурно ќе паднев.“

Роси: „Тоа не е точно. Не знам што треба да кажам. Маркез десет пати го направи тоа на патеката во Силверстоун. Тоа што го кажуваш не е точно.“

Лоренцо: „Тоа е моето мислење.“

Роси: „Исто така, и ти претекнуваш агресивно.“

Лоренцо: „Кога? Ова е мое мислење. И директорите на трката ќе имаат свое мислење. Според мене, ако не го исправев мотоциклот, ќе паднев.  Во секој случај, не мораше да го направи тоа претекнување. Беше подобар од мене денеска и порано или подоцна ќе ме претекнеше. Но немаше потреба да биде толку агресивен.  Тој ќе има поинакво мислење.“

Роси: „Јас не се сложувам.“

Со освоеното второ место, Роси ја намали предноста во однос на Маркез на 43 поени. Лоренцо се наоѓа на третата позиција со заостанување од 61 поен зад Маркез и 18 поени зад Роси.

comments

Би можело да ве интересира

Минатиот пат кога пишувавме за „Rain Pal“ тоа беше само еден проект на кој му требаа финансии. Ако мислевте дека нема да успее и несакавте залудно да си ги потрошите парите сега ќе можете да си купите една ваква кацига бидејќи компанијата започна со сериско производство.

Марк Маркез вели дека повредата која ја претрпе на приватниот тест во Херез не е сериозна. Тој уште еднаш го повреди рамото, нешто што досега неколкупати му се има случено во текот на кариерата.

Возачот на Кавасаки тимот и актуелен шампион во Мотул Супербајк шампионатот на најдобар можен начин ја започна новата сезона откако забележа двојна победа во првата рунда.

Џонатан Реа на најдобар можен начин ја започна одбраната на титулата откако забележа победа на првата трка во сезоната на патеката Филип Ајленд.

Новинарите од „MCN“ пред неколку години предвидуваа дека Honda ќе направи V4 Супербајк кој ќе има големи сличности со MotoGP мотоциклот. Мислам дека оригиналната гласина започна со „V5 power plant“ ако тоа ви дава некаква претстава за тоа колку долго се врти приказнава.

Подгответе се за ова неверојатно видео кое сигурно ќе ве направи многу популарен меѓу колегите на работа. Подгответе се да изгубите неколку минути од вашиот живот кои никогаш повеќе нема да ги вратите назад.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!