24
Сре, Мај
MotoGP

MotoGP: Шампионатот продолжува овој викенд со трката на Херез

Нема одмор за возачите во МотоГП шампионатот, акцијата се враќа во Европа со неделната трка на патеката Херез во Шпанија.

Следете нè на:

 

2146553650Четвртата трка во МотоГП шампионатот се вози на 4-ти мај со почеток во 14 часот

Нема одмор за возачите во МотоГП шампионатот, акцијата се враќа во Европа со неделната трка на патеката Херез во Шпанија.

Изминатиот викенд бевме сведоци на одличната трка во Аргентина, а најдобрите светски мотоциклисти веќе се во Европа каде со своите тимови ќе учествуваат на неделната трка во Шпанија.

Во шампионатот водечки е актуелниот Светски шампион, Марк Маркез, кој со својата Хонда прокнижи максимални 75 бодови на три трки. Неговиот клубски колега Дани Педроса покажа солидно возење и желба за борба која одмна не сме ја виделе кај него, освојувајќи го второто место во Аргентина. Возачите на Хонда ќе се обидат да ја продолжат импресивната серија и барем Марк Маркез сигурно ќе оди на четвртата победа од исто толку трки.

За ривалите, возачите на Јамаха, Херез е патека која ги асоцира на убави спомени. За Лоренцо ова е домашна патека, тој на Херез има забележано две победи во класата 250цц, како и две победи во Кралската класа во 2010 и 2011 година. Во 2012 беше втор, а минатата година заврши на третата позиција.

За Валентино Роси Херез е патека на која има уште поголем успех од Лоренцо, тој тука има забележано шест победи во најсилната класа, и по една во класите 125 и 250цц. Во најавата за трката Роси вели: „Херез е фантастична патека, очекуваме многу фанови па целта е да се подобриме и да се избориме за место на подиумот“.

Првиот тренинг на програмата е во петок во 9.55, а вториот во 14.05. Во сабота, третиот тренинг се вози во 09.55, четвртиот во 13.30 по што започнуваат квалификациите. Q2 сесијата започнува во 14.35. Трката во недела започнува во 14 часот.

Возбудувањата ќе можете да ги следите на СпортКлуб каналот во живо како и преку стриминг линкот: www.sportcategory.com/c-10.html

Технички информации
Патека „Jerez de la Frontera“
Локација Херез, Шпанија
Должина (m) 4423
Ширина (m) 11
Свиоци 13
Десни свиоци 8
Леви свиоци 5
Пол позиција Лева
Grand Prix of Spain
Рекорден круг
Време 1'39.565
Возач J.Lorenzo
Мотор Yamaha
Година 2013
Најбрзо време
Време 1'38.189
Возач J.Lorenzo
Мотор Yamaha
Година 2008
Резултати од 2013
1. D.Pedrosa (Honda): 45'17.632
2. M.Marquez (Honda): +2.487
3. J.Lorenzo (Yamaha): +5.089
   

comments

Би можело да ве интересира

Викендов на патеката Аданката во Романија се возеа шестата и седмата трка од БМУ Европскиот шампионат во брзински мотоциклизам.

Поглед кон исклучителната кариера на поранешниот MotoGP шампион

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Оф роуд мотоциклите ќе бидат забранети во некои делови од Дубаи со цел да се намали асоцијалното однесување.

Фабричкиот тим на Red Bull KTM, само што објави дека нивниот професионален возач, Рајан Данџи, одлучил да се повлече од натпреварувањето. Објавата следува кратко откако тој ја освои својата трета последователна титула во AMA 540SX шампионатот, притоа возејќи со фабричката верзија на 450 SX-F.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!