29
Саб, Апр
MotoGP

MotoGP: Роси поднесе жалба против одлуката на ФИМ

Валентино Роси поднесе официјална жалба до Арбитражниот суд за спорт против одлуката на ФИМ за казнените поени кои му беа доделени по трката во Сепанг.


rossi valencia

Валентино Роси поднесе официјална жалба до Арбитражниот суд за спорт против одлуката на ФИМ за казнените поени кои му беа доделени по трката во Сепанг.

Во барањето на Валентино Роси (барањето е поднесено од самиот возач, не од тимот) се бара анулирање на негативните поени кои му беа доделени по трката во Сепанг од страна на дирекцијата на трката. Тој меѓу другото бара и во периодот во кој треба да одлучи Арбитражниот суд за спорт (период до 6 месеци) да му биде паузирана казната која ја доби од ФИМ.

Доколку Роси добие позитивен одговор на барањето, следниот викенд тој ќе вози квалификации и ќе стартува од она место за кое ќе се избори. ФИМ за сега потврди само дека ја доби жалбата од Роси, нема никаков одговор и казната сеуште е на сила. 

Судот со седиште во Лозана веднаш по пресот на ФИМ излезе со свое соопштени во кое потврди дека Валентино Роси поднел жалба до нив во врска со негативните поени добиени по трката во Сепанг. Судот објави дека најдоцна до петок (6-ти ноември) ќе одлучи дали ќе ја процесира жалбата на Роси, доколку се произнесат позитивно, казната на Роси ќе биде паузирана и судот ќе одлучува во периодот кој следи за исходот. Во овој случај Роси во Валенсија ќе вози квалификации, а потоа доколку судот ја потврди казната, тој ќе стартува од последната позиција на првата трка во 2016 година.

Следете нè на:

 
comments

Би можело да ве интересира

Metzeler тврди дека Racetec RR се добри на сите услови. Овие гуми веќе се тестирани на Isle of Man, North West 200, Southern 100 и Ulster Grand Prix од возач како што е Гај Мартин.

Назначувањето на Микеле Колаинино се совпаѓа со преструктуирањето на асоцијацијата која ги именуваше својот претседател и потпретседател, а официјално ќе започнат со работа од 1-ви јули 2017 година.

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!