МотоГП шампионатот повторно е во фокусот на светските медиуми, причина е уште една фантастична трка, овојпат тоа е третата рунда која се возеше за Големата Награда на Аргентина.

МотоГП шампионатот повторно е во фокусот на светските медиуми, причина е уште една фантастична трка, овојпат тоа е третата рунда која се возеше за Големата Награда на Аргентина.

По возбудливите квалификации во кои фановите на Сузуки најмногу се израдуваа на втората позиција на Алеш Еспергаро, стартот на трката воопшто не навести дека ќе бидеме сведоци на фантастична трка помеѓу Валентино Роси и Марк Маркез.

Маркез веднаш по стартот изби на чело на колоната и започна со агресивно возење кое му донесе предност пред Кал Крачлоу кој возеше на втората позиција, пред Довициозо. Во меѓувреме Валентино Роси кој стартуваше од осмата позиција успеа да го помине Хорхе Лоренцо, а потоа и останатите 5 возачи кои беа пред него, притоа топејќи ја разликата на Маркез. Причината за ова беше изборот на гуми, Роси се одлучи за екстра тврдата компонента додека Маркез се обиде со тврда компонента која на крајот се покажа како погрешен избор. 

До крајот на трката фокусот беше само на ловот на Маркез од страна на Роси, за во последниот круг тој да го помине шпанецот по што возачот на Хонда Репсол тимот удри во задната гума на Роси и ја заврши трката без освоени бодови.

За крај треба да се издвои и прославата на Роси на победничкиот подиум, бидејќи Италијанецот е голем фан на Марадона и во негова чест беше облечен во фудбалскиот дрес на Марадона.

Во генералниот пламан по три трки води Валентино Роси (Јамаха) со 66 бода, шест повеќе од Андреа Довициозо (Дукати). На третото место е Андреа Ианон од Дукати со 40 бода, четврти е тимскиот колега на Роси од Јамаха Хорхе Лоренцо со 37, додека актуелниот шампион Марк Маркез падна на петтото место со само 36 поени.