29
Саб, Апр
MotoGP

MotoGP: Прва победа за Роси во сезоната

Домашната публика на патеката Мизано полуде откако нивниот миленик Валентино Роси ја забележа првата победа во сезоната, во трка во Лоренцо и Педроса се искачија на подиумот, а Марк Маркез освои само еден бод за 15-та позиција по падот кој го доживеа.

Следете нè на:

 

Домашната публика на патеката Мизано полуде откако нивниот миленик Валентино Роси ја забележа првата победа во сезоната, во трка во Лоренцо и Педроса се искачија на подиумот, а Марк Маркез освои само еден бод за 15-та позиција по падот кој го доживеа.

46rossi yfr editorial use pictures2 originalПрва победа за Роси по трката на Асен минатата година

Деветкратниот Светски шампион и возач на Мовистар Јамаха тимот Валентино Роси го презеде водството на трката во почетните неколку кругови, откако на самиот старт го помина Хорхе Лоренцо кој трката ја започна од пол позицијата. По почетното водство Роси зад себе ги имаше Маркез и Лоренцо, а со возачот на Хонда Репсол тимот неколкупати се променија на водечката позиција.

Борбата траеше до 10-от круг кога Маркез ја испушти Хондата во свиокот Рио, со помош на редарите успеа да ја запали својата RC213V, но тоа беше доволно само за 15-та позиција во Мизано која му донесе еден бод.

2014-rsm-motogp-race-marquez-postcrash2 originalПад за Маркез кој значеше крај на борбата за првата позиција, Хондата запали, а Маркез мораше да се задоволи само со 1 бод

Роси продолжи со одличното возење и до крајот не му дозволи на Лоренцо да му се доближи, со тоа ја забележа својата 107-ма победа во неверојатната кариера или вкупно 5000 поени во Гранд При трките.

Лоренцо возеше смирено до крајот, беше решен повторно да се искачи на подиумот и успеа во тоа, остварувајќи четири последователни резултати. Третата позиција му припадна на Педроса кој иако имаше лош старт по кој се најде на 7-та позиција, до крајот успеа да се избори за третото место што го остави сеуште во предност пред Роси во генералниот пласман.

Педроса единствената закана за подиумот ја имаше од Андреа Довициозо, кој повторно возеше одлична трка, а заостана само 5,5 секудни зад Роси на финишот. Дукати забележа солиден резултат имајќи го во предвид и петтото место на Андреа Ианон кој на вчерашните квалификации имаше второ време.

Следната трка се вози за две недели, на 28-ми септември на патеката Арагон во Шпанија.

 

 

comments

Би можело да ве интересира

Metzeler тврди дека Racetec RR се добри на сите услови. Овие гуми веќе се тестирани на Isle of Man, North West 200, Southern 100 и Ulster Grand Prix од возач како што е Гај Мартин.

Назначувањето на Микеле Колаинино се совпаѓа со преструктуирањето на асоцијацијата која ги именуваше својот претседател и потпретседател, а официјално ќе започнат со работа од 1-ви јули 2017 година.

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!