Хорхе Лоренцо забележа најбрзо време на првиот тренинг на патеката Филип Ајленд пред трката за ГН на Австралија која се вози во недела изутрина во 7 часот по наше време.

Хорхе Лоренцо забележа најбрзо време на првиот тренинг на патеката Филип Ајленд пред трката за ГН на Австралија која се вози во недела изутрина во 7 часот по наше време.

Одличното време на патеката овозможи да следиме прилично блиски резултати, па така второпласираниот Маркез финишираше со заостанување од само 88 десетинки.

Алваро Баутиста возеше фантастично на првиот тренинг и забележа трето време, резултат кој беше подобар од оној на Дани Педроса кој беше само четврти. Валентино Роси на петтата позиција имаше само 50 десетинки заостанување зад Педроса, но сеуште е рано да се шпекулира околу исходот од трката, во секој случај сигурни сме дека не очекува возбудлив МотоГП викенд.

Овој викенд Кејси Стонер ќе биде специјален гостин на патеката и притоа ќе биде прогласен за легенда на МотоГП.

До крајот на МотоГП шампионатот се возат уште три трки, оваа на Филип Ајленд која се вози во недела, потоа следната недела се вози трката во Јапонија на Мотеги, и на крајот е трката во Шпанија, на Валенсија, која се вози на 10-ти ноември.

Во генералниот пласман води Маркез со 298 бодови, 43 повеќе од Лоренцо на втората позиција и 54 повеќе од трето пласираниот Дани Педроса. Валентино Роси во генералниот пласман е на четвртата позиција со заостанување од 100 поени зад Маркез.

Вториот тренинг на програмата е во 6 часот изутрина, третиот тренинг започнува во сабота по полноќ во 01.55, додека пак четвртиот тренинг започнува утрината во 05.30. Квалификациите во сабота започнуваат во 06.35, а трката во недела започнува во 7 часот по наше време.

Пренос од сите настани ќе има на Спорт Клуб каналот, а стриминг ќе има на http://www.sportcategory.com/c-10.html