30
Вто, Мај
MotoGP

МотоГП: Пол позиција за Лоренцо на Брно

motori lorenzo-pol-brnoПол позиција за актуелниот лидер во МотоГП шампионатот. Хорхе Лоренцо ќе стартува од првата позиција на утрешната трка на патеката Брно за трката од ГН на Чешка. 

Следете нè на:

 

lorenzo-pol-brno

Пол позиција за актуелниот лидер во МотоГП шампионатот. Хорхе Лоренцо ќе стартува од првата позиција на утрешната трка на патеката Брно за трката од ГН на Чешка. 

Квалификациите на патеката Брно за трката за ГН на Чешка започнаа по релативно ладна температура на асвалтот од само 29 степени што придонесе првиот дел од квалификациите возачите да го искористат како симулација за утрешната трка која се очекува да се вози во исти услови. 

По само 10-на минути од сесијата Хорхе Лоренцо веќе го надмина рекордот за пол позиција на Брно со време од 1:56.144, а Кал Крачлоу неколку минути подоцна дојде до провизорната втора позиција. Во меѓувреме Педроза доживеа лоусајд од кој стана без повреда и замина во боксот од каде 10-на минути подоцна ги продолжи квалификациите. 

cal-brnoМотивираниот Крачлоу утре ќе стартува од втората позиција

Следуваше падот на Ренди де Пуние во свиокот бр.5 но за среќа и тој без повреди замина во боксот, а предноста од скоро половина секунда која ја имаше Лоренцо му дозволи да влезе во пит стопот и да направи подолга пауза, па така дури на средината од сесијата тој повторно излезе на патеката.

Потоа го проследивме падот на Кал Крачлоу, Британецот падна во моментот кога сеуште беше на втората позиција, а за среќа падот помина без последици по возачот. Мишел Пиро исто така доживеа пад, но и тој се врати во боксот без повреда иако на почетокот се држеше за левата нога.

На 20 минути до крајот на сесијата Валентино Роси излезе на патеката со нова мека слик гума која го одбележа почетокот на менувањето на гумите кај повеќето возачи и започнувањето на возбудувањата на квалификациите.

rossi-soft-slick

Менувањето на гумата за Роси значеше и подобрување на времето па така за кратко Докторот возеше за шеста позиција односно провизорен старт од вториот ред. 

На 6 минути до крајот на сесијата сеуште немаше никаква промена во резултатите, првиот ред им припаѓаше на Лоренцо, Крачлоу и Довициозо, за веќе во следната минути Бен Спиз да извози за провизорна трета позиција. Во последните минути Лоренцо успеа да го подобри своето време на 1:55.799 запечатувајќи ја пол позицијата на Брно. 

Следеше подобрување на времето на Бен Спиз кој успеа да дојде до втората позиција, но Крачлоу го возврати ударот и го поврати второто стартно место на утрешната трка, а Штефан Брадл за кратко успеа да му го одземе шестото место на Роси, но во следниот круг Докторот го подобри неговото време.

Трката започнува во 14.00 часот по наше време, може да се следи на обичниот СпортКлуб канал или преку стриминг на sportlemon.tv/c-10.html

Квалификации на Брно:

Поз.Бр.ВозачТимКм/чВремеРазлика
1 99 Jorge LORENZO Yamaha Factory Racing 306.8 1'55.799
2 35 Cal CRUTCHLOW Monster Yamaha Tech 3 303.3 1'55.995 0.196 / 0.196
3 26 Dani PEDROSA Repsol Honda Team 309.9 1'56.327 0.528 / 0.332
4 11 Ben SPIES Yamaha Factory Racing 305.6 1'56.331 0.532 / 0.004
5 4 Andrea DOVIZIOSO Monster Yamaha Tech 3 307.5 1'56.559 0.760 / 0.228
6 46 Valentino ROSSI Ducati Team 304.1 1'56.735 0.936 / 0.176
7 6 Stefan BRADL LCR Honda MotoGP 306.0 1'56.827 1.028 / 0.092
8 19 Alvaro BAUTISTA San Carlo Honda Gresini 305.9 1'57.068 1.269 / 0.241
9 17 Karel ABRAHAM Cardion AB Motoracing 309.6 1'57.773 1.974 / 0.705
10 14 Randy DE PUNIET Power Electronics Aspar 291.2 1'57.844 2.045 / 0.071
11 41 Aleix ESPARGARO Power Electronics Aspar 291.5 1'58.153 2.354 / 0.309
12 68 Yonny HERNANDEZ Avintia Blusens 286.5 1'59.087 3.288 / 0.934
13 24 Toni ELIAS Pramac Racing Team 306.5 1'59.120 3.321 / 0.033
14 51 Michele PIRRO San Carlo Honda Gresini 285.1 1'59.387 3.588 / 0.267
15 5 Colin EDWARDS NGM Mobile Forward Racing 291.2 1'59.863 4.064 / 0.476
16 54 Mattia PASINI Speed Master 285.4 1'59.865 4.066 / 0.002
17 77 James ELLISON Paul Bird Motorsport 287.3 2'00.316 4.517 / 0.451
18 22 Ivan SILVA Avintia Blusens 285.8 2'00.329 4.530 / 0.013
19 9 Danilo PETRUCCI Came IodaRacing Project 272.0 2'00.854 5.055 / 0.525
comments

Би можело да ве интересира

Да бидеме искрени, силниот звук од издувот нема да ве спаси ако лицето кое управува со нов автомобил го пуштил звучиот систем најгласно и гледа на својот телефон додека вози. Но не грижете се бидејќи Bosch развива систем кој ќе ги предупредува возачите.

Џонатан Реа стави крај на доминантната серија која Том Сајкс ја имаше на Донингтон Парк. Откако падна на првата, тој успеа да оствари победа на втората трка.

Возачот на Movistar Yamaha, Валентино Роси, беше дел од една несреќа која се случи вчера за време на тренингот во Мондавио, Италија.

Откако настапи со вајлд карта за Moto3 тимот на Red Bull KTM Ajo на патеката во Ле Ман, Дени Кент ќе се врати во Moto2 за трката во Муџело. Англичанецот ќе биде замена за повредениот Икер Лекуона во тимот Garage Plus Interwetten.

Марк Маркез се најде на врвот на дводневниот приватен тест кој се оддржа на патеката во Каталуња, Барселона. Во пресрет на трката која е закажана за следниот месец на истата патека, можноста за тренинг ја искористија речиси половина од MotoGP тимовите.

Многу возачи често возат со преголема брзина на улиците кога пристигнуваат на Isle of Man па организаторите на настанот одлучија дека е време за нова безбедносна кампања.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!