На првите квалификации во 2012 Хорхе Лоренцо дојде до пол позиција и тој ќе ја започне МотоГП сезоната од првата позиција на утрешната трка за ГН на Катар на патеката Лосаил.
На првите квалификации во 2012 Хорхе Лоренцо дојде до пол позиција и тој ќе ја започне МотоГП сезоната од првата позиција на утрешната трка за ГН на Катар на патеката Лосаил.
Возбудувањата на уникатниот Гранд При на Катар започа во четвртокот, кога се возеше првиот тренинг на Лосаил во кој нај успешен беше Кејси Стонер. Вториот тренинг кој се возеше во петокот повторно му припадна на актуелниот Светски Шампион, но на последниот трет тренинг во петокот Хорхе Лоренцо успеа да му ги помати сметките на Австралијанецот поставувајќи најдобро време.
Со трката за ГН на Катар започнува нова ера во МотоГП, од оваа година мотоциклите кои се возат се со зафатнина од 1000цц, но дополнителни возбудувања се очекува да внесат т.н. „CRT (Claiming Rule Teams)“ тимовите кои носат продукциски мотор на прототипна шасија.
Денешните квалификации ги одбележа Кејси Стонер кој постави време од 1.55.415 веќе во петтата минута од сесијата, а во текот на квалификациите забележителни беа времињата и на Хорхе Лоренцо, Штефан Брадл и Андреа Довициозо. Во текот на целиот викенд очите беа вперени кон деветкратниот шампион Валентино Роси, но се чини дека Докторот сеуште нема одговор за Дукати. Моралот на италијанскиот тим го подигна Ники Хејден со третото време на првиот тренинг, но потоа забележа две седми места и тоа беше се од Американецот.
На половина од квалификациите заради инцидент во свиокот бр.5 во кој беше вклучен Данило Петручи повеќето од мотоциклите беа повлечени во пит стопот, а претходно излетување од патеката имаше и Иван Силва, за среќа без последици. До крајот на квалификациите крај патеката завршија и Ренди Де Пуние, Матиа Пасини, Џејмс Елисон, Бен Спиз...
На 14 минути до крајот на сесијата првиот кој излезе на патеката со квалификациски гуми беше возачот на Јамаха, Хорхе Лоренцо. Веднаш потоа откако беше направена промената на гумите кај сите возачи, Кејси Стонер го подобри своето време но само до 10 минути пред крајот кога Лоренцо го спушти времето под бариерата од 1.55.
1.54.993 беше времето кое Лоренцо го забележа, а беше актуелно се до 3 минути пред крајот на квалификациите. Во меѓувреме Кал Крачлоу беше на втората позиција но откако Кејси Стонер го подобри времето на Лоренцо, Британецот беше третопласиран. До крајот следевме возбудливи кругови во кои Лоренцо го подобри времето на 1.54.634 што на крајот се покажа како најдобро време и заслужено дојде до првата пол позиција во сезоната.
Резултати од квалификациите:
Поз. | Бр. | Возач | Зем. | Тим | Мотор | Км/ч | Време |
---|---|---|---|---|---|---|---|
1 | 99 | Jorge LORENZO | SPA | Yamaha Factory Racing | Yamaha | 327.1 | 1'54.634 |
2 | 1 | Casey STONER | AUS | Repsol Honda Team | Honda | 331.9 | 1'54.855 |
3 | 35 | Cal CRUTCHLOW | GBR | Monster Yamaha Tech 3 | Yamaha | 328.0 | 1'55.022 |
4 | 11 | Ben SPIES | USA | Yamaha Factory Racing | Yamaha | 326.1 | 1'55.512 |
5 | 69 | Nicky HAYDEN | USA | Ducati Team | Ducati | 334.2 | 1'55.637 |
6 | 4 | Andrea DOVIZIOSO | ITA | Monster Yamaha Tech 3 | Yamaha | 328.9 | 1'55.858 |
7 | 26 | Dani PEDROSA | SPA | Repsol Honda Team | Honda | 330.8 | 1'55.905 |
8 | 8 | Hector BARBERA | SPA | Pramac Racing Team | Ducati | 337.1 | 1'55.983 |
9 | 6 | Stefan BRADL | GER | LCR Honda MotoGP | Honda | 334.0 | 1'56.063 |
10 | 17 | Karel ABRAHAM | CZE | Cardion AB Motoracing | Ducati | 333.5 | 1'56.198 |
11 | 19 | Alvaro BAUTISTA | SPA | San Carlo Honda Gresini | Honda | 334.3 | 1'56.521 |
12 | 46 | Valentino ROSSI | ITA | Ducati Team | Ducati | 338.1 | 1'56.813 |
13 | 5 | Colin EDWARDS | USA | NGM Mobile Forward Racing | Suter | 314.8 | 1'57.644 |
14 | 14 | Randy DE PUNIET | FRA | Power Electronics Aspar | ART | 309.6 | 1'58.266 |
15 | 41 | Aleix ESPARGARO | SPA | Power Electronics Aspar | ART | 312.1 | 1'58.520 |
16 | 68 | Yonny HERNANDEZ | COL | Avintia Blusens | BQR-FTR | 303.6 | 1'58.795 |
17 | 51 | Michele PIRRO | ITA | San Carlo Honda Gresini | FTR | 311.1 | 1'59.085 |
18 | 54 | Mattia PASINI | ITA | Speed Master | ART | 311.5 | 1'59.195 |
19 | 9 | Danilo PETRUCCI | ITA | Came IodaRacing Project | Ioda | 296.8 | 1'59.664 |
20 | 22 | Ivan SILVA | SPA | Avintia Blusens | BQR-FTR | 306.1 | 2'00.493 |
21 | 77 | James ELLISON | GBR | Paul Bird Motorsport | ART | 309.9 | 2'00.757 |
Првата трка во сезоната започнува во недела, во 21.00 по наше време.
Пренос од трките има на каналот SportKlub Prime, или на интернет на http://www.sportlemon.tv/c-10.html