28
Пет, Апр
MotoGP

MotoGP: Пол Еспаргаро го објасни преминувањето во KTM

„Пол Еспаргаро очекува во 2017 година тимот на KTM да се фокусира на развојот“

Следете нè на:

 

Пол Еспаргаро ги објасни причините за неговиот премин во тимот на КТМ и изјави дека успехот на Австриската фабрика на повеќе полиња е една од причините поради кои верува дека тука ќе ги исполни неговите амбиции.

Каталонецот ја искористи прес конференцијата да објави дека ќе ги замени боите на Tech 3 Yamaha со оние на KTM по завршувањето на актуелната сезона. Веднаш потоа тој кажа и дека е многу полесно да се натпреварувате со најдобрите кога имате цел фабрички тим зад вас.

pol espergaro pressПол Еспергаро

„Животот е за авантури и за оние кои веруваат во нешто што не функционира. Тоа е работа на духот, победничкиот дух,“ изјави 24 годишниот возач. „Секако дека е поудобно да останам таму каде што сум, но има нешто што ми вели мора да победиш бидејќи го можеш тоа.“

„Го направив тоа во категоријата од 125cc. Го направив тоа и во Moto2. Возачите кои ги победував сега се подобри од мене за 20 секунди. Сакам да покажам дека и јас сум добар, а најдобриот начин за тоа е да преминеш во фабрички тим. Ќе видиме дали тоа ќе се покаже како добра или лоша одлука.“

„Останатите понуди не беа толку добри како оваа. Исто така зависеше и поради фабричкиот мотоцикл и поддршката од целиот тим.“

„Се што тие прават, го прават на неверојатен начин. Секако дека ќе биде тешко да бидеме меѓу првите десет, но тие покажаа дека кај нив работат интелигентни луѓе. Верувам во нив.“

Во однос за очекувањата од следната сезона, тој додаде: „Без сомнение, ќе биде тешко. Беше тешко и за Suzuki. Тие веќе имаа искуство но кога се вратија се мачеа со моторот и со неговата моќност. Но ништо не е лесно во животот, а особено во MotoGP. Ако сакаме нешто, мораме да се бориме за него.“

Еспаргаро ќе му се приклучи на актуелниот тимски колега Бредли Смит во тимот на КТМ следната сезона. Тој е возачот со кого оствари победа на „ Suzuka 8-часа“ во 2015 година.

„Со Бредли имаме добар однос. Развивме неверојатен мотоцикл во Suzuka после само два до три дена тестирање. Потоа остваривме убедлива победа на трката. Тоа значи дека заедно можеме да направиме добар мотоцикл. Имаме два многу различни стила но можеме да соработуваме и ќе се обидеме истото да го направиме и за КТМ.“

Прашан што очекува да биде најголемиот предизвик за новата машина на КТМ, Еспаргаро изјави дека тоа би била уникатната тубуларна рамка - уникатна за MotoGP класата – која бара поголем развој.

„Мораме да провериме дали функционира тубуларната шасија. Моторот порано или подоцна ќе се подобри. Видовме дека Маверик и Suzuki се побрзи од нас на правец. Ако тубуларната шасија не функционира како што треба, ќе се мачиме. Јас преферирам побавен мотоцикл кој е подобар при свиоци отколку мотоцикл кој е брз на правец но е тежок за управување.“

comments

Би можело да ве интересира

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Возачот на Movistar Yamaha, Маверик Вињалес вели дека се уште не знае која е причината за падот кој го спречи да се бори за третата победа по ред на трката во Тексас.

Тимот на Reale Avintia Ducati потврди дека го продолжил договорот со Италијанскиот производител и дека наредната сезона нивните возачи, Хектор Барбера и Лорис Баз, ќе настапат со GP17 машината. Со овој мотоцикл оваа година настапуваат Хорхе Лоренцо и Андреа Довициозо.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!