Заслужена победа за Педроса на Сепанг, Хорхе Лоренцо дојде до втората позиција, а на пиедесталот се искачи и Валентино Роси по неверојатната борба со Маркез.
Заслужена победа за Педроса на Сепанг, Хорхе Лоренцо дојде до втората позиција, а на пиедесталот се искачи и Валентино Роси по неверојатната борба со Маркез.
Бевме сведоци на уште една неверојатна трка, главниот фокус овој пат не беше на борбата за првата позиција која сосема заслужено му припадна на Дани Педроса, фокусот беше на бробата помеѓу Роси и Маркез.
По трката во Малезија јасно е дека она што Валентино Роси го збореше по прес конференцијата сепак не било плод на неговата фантазија. Марк Маркез од стартот на трката возеше со една цел, да го успори Роси колку што е можно повеќе.
На самиот старт тој отиде во десната страна од каде што доаѓаше Роси, за потоа супер лесно да ја загуби втората позиција од Лоренцо без да се обиде да ја поврати. Затоа пак четврто пласираниот Роси имаше пеколно тешка задача да дојде до третата позиција.
Агресивното возење на Маркез кој возеше од свиок во свиок лакт до лакт со Роси на крајот се покажа како кобно за него. Роси беше свесен дека доколку останат позициите непроменети ќе има разлика од само 4 бода во генералниот пласман па со победа во Каталуња Лоренцо ќе стане шампион независно од неговиот пласман. Откако неколкупати го поминуваше од внатрешната страна на работ на можностите, а потоа Маркез правеше се што може и не може за да се врати на третата позиција, Роси го успори Маркез од внатрешната страна на свиокот притоа гледајќи го во очите што предизвика Маркез да удри во него и да ја заврши трката.
До крајот немаше поголеми возбудувања, но Дукати остана без пласман откако најпрво Јанон имаше проблеми со моторот, а потоа и Довициозо доживеа пад по еден мал контакт со Крачлоу. Сепанг беше одлична трка и за Бредли Смит кој заврши на четвртата позиција, а Петручи на шестата. Интересен беше и дуелот помеѓу Еспергаро и Вињалес, возачите на Сузуки на крајот финишираа на седмата и осмата позиција.
Педроса дојде до заслужената прва позиција во Сепанг, Лоренцо се искачи на пиедесталот како второпласиран, а со третата позиција на Роси разликата во генералниот пласман помеѓу нив двајца падна на 7 бодови. Последната трка од шампионатот која се вози на 8-ми ноември во Валенсија ќе го одлучи новиот МотоГП шампион.
Поз. | Поени | Бр. | Возач | Земја | Тим | Мотор | Време |
---|---|---|---|---|---|---|---|
1 | 25 | 26 | Dani PEDROSA | SPA | Repsol Honda Team | Honda | 40'37.691 |
2 | 20 | 99 | Jorge LORENZO | SPA | Movistar Yamaha MotoGP | Yamaha | +3.612 |
3 | 16 | 46 | Valentino ROSSI | ITA | Movistar Yamaha MotoGP | Yamaha | +13.724 |
4 | 13 | 38 | Bradley SMITH | GBR | Monster Yamaha Tech 3 | Yamaha | +23.995 |
5 | 11 | 35 | Cal CRUTCHLOW | GBR | LCR Honda | Honda | +28.721 |
6 | 10 | 9 | Danilo PETRUCCI | ITA | Octo Pramac Racing | Ducati | +36.372 |
7 | 9 | 41 | Aleix ESPARGARO | SPA | Team SUZUKI ECSTAR | Suzuki | +39.290 |
8 | 8 | 25 | Maverick VIÑALES | SPA | Team SUZUKI ECSTAR | Suzuki | +39.436 |
9 | 7 | 44 | Pol ESPARGARO | SPA | Monster Yamaha Tech 3 | Yamaha | +42.462 |
10 | 6 | 6 | Stefan BRADL | GER | Aprilia Racing Team Gresini | Aprilia | +44.601 |
11 | 5 | 45 | Scott REDDING | GBR | EG 0,0 Marc VDS | Honda | +47.690 |
12 | 4 | 68 | Yonny HERNANDEZ | COL | Octo Pramac Racing | Ducati | +52.112 |
13 | 3 | 8 | Hector BARBERA | SPA | Avintia Racing | Ducati | +52.360 |
14 | 2 | 24 | Toni ELIAS | SPA | Forward Racing | Yamaha Forward | +53.619 |
15 | 1 | 19 | Alvaro BAUTISTA | SPA | Aprilia Racing Team Gresini | Aprilia | +53.631 |
16 | 69 | Nicky HAYDEN | USA | Aspar MotoGP Team | Honda | +1'01.431 | |
17 | 43 | Jack MILLER | AUS | LCR Honda | Honda | +1'02.828 | |
18 | 63 | Mike DI MEGLIO | FRA | Avintia Racing | Ducati | +1'05.075 | |
19 | 50 | Eugene LAVERTY | IRL | Aspar MotoGP Team | Honda | +1'09.877 | |
20 | 13 | Anthony WEST | AUS | AB Motoracing | Honda | +1'24.749 | |
Без пласман | |||||||
4 | Andrea DOVIZIOSO | ITA | Ducati Team | Ducati | 10 круга | ||
93 | Marc MARQUEZ | SPA | Repsol Honda Team | Honda | 13 круга | ||
76 | Loris BAZ | FRA | Forward Racing | Yamaha Forward | 18 круга | ||
29 | Andrea IANNONE | ITA | Ducati Team | Ducati | 19 круга | ||
Не го заврши првиот круг | |||||||
55 | Damian CUDLIN | AUS | E-Motion IodaRacing Team | ART | 0 круга |