Според коментарите на многумина, по објавата на новите правила на Филип Ајленд требаше да не очекува циркус, а тоа и се случи. Победа за Лоренцо и дисквалификација за Маркез која ќе ни донесе вистинска драма на крајот од шампионатот.
Драма за сите пари во само 30 минути, така во кратки црти може да се опише она што денеска се случуваше на Филип Ајленд.
Според коментарите на многумина, по објавата на новите правила на Филип Ајленд требаше да не очекува циркус, а тоа и се случи. Победа за Лоренцо и дисквалификација за Маркез која ќе ни донесе вистинска драма на крајот од шампионатот.
Она што беше вчера најавено како новина односно одлука која за прв пат се спроведува заради проблемот со гумите се покажа како комплицирана задача за Маркез. Имено според првичните информации, Бриџстоун најави дека нивните гуми нема да издржат повеќе од 10 круга заради новиот асвалт на Филип Ајленд, па Дорна одлучи да воведе пит стоп на трката во Австралија. Според тоа секој возач требаше да влезе во боксот најдоцна во 10-от круг во трката и да направи промена на моторот, а Маркез не го стори тоа, извози полни 10 круга и во 11-от влезе во боксот.
На излезот од боксот тој за момент се најде на првата позиција, но во налет беа Лоренцо и Педроса па во свиокот Лоренцо дури и го удри Маркез, за среќа без последици за двајцата, освен што Маркез мораше да се врати на третата позиција.
Потоа на 7 круга до крајот дирекцијата на трката излезе со одлука Педроса да пропушти една позиција заради пребрз влез во пит стоп што дополнително ги заплетка работите. На 6 круга до крајот Маркез излезе пред Педроса и го започна бркањето на Лоренцо, но во тој момент за Маркез беше истакнато црно знаме! Како што се покажа по крајот на трката, се работелот за недоразбирање помеѓу тимот и сигнализацијата за Маркез, со што возачот беше амнестиран од грешка, а вината ја презеде тимот.
Дорна се одлучи за драстична казна за возачот на Хонда, дисквалификација која му симна 25 бодови предност од контото во генералниот пласман па сега предноста пред второпласираниот Лоренцо изнесува само 18 бода.
Беше интересно да се следи и возењето на Роси кој иако стартуваше од третата позиција во првиот круг беше поминат од Дани Педроса но и од Бредли Смит. Благодарение на брзата реакција во боксот, по промената на моторот тој се врати на патеката на четвртата позиција, а потоа по дисквалификацијата на Маркез дојде и до место на пиедесталот. Сепак финишот беше далеку од лесен за Роси, бидејќи целната линија ја помина заедно со Алваро Баутиста и Кал Крачлоу.
Поз. | Поени | Бр. | Возач | Тим | Мотор | Разлика |
---|---|---|---|---|---|---|
1 | 25 | 99 | Jorge LORENZO | Yamaha Factory Racing | Yamaha | 29'07.155 |
2 | 20 | 26 | Dani PEDROSA | Repsol Honda Team | Honda | +6.936 |
3 | 16 | 46 | Valentino ROSSI | Yamaha Factory Racing | Yamaha | +12.344 |
4 | 13 | 35 | Cal CRUTCHLOW | Monster Yamaha Tech 3 | Yamaha | +12.460 |
5 | 11 | 19 | Alvaro BAUTISTA | GO&FUN Honda Gresini | Honda | +12.513 |
6 | 10 | 38 | Bradley SMITH | Monster Yamaha Tech 3 | Yamaha | +28.263 |
7 | 9 | 69 | Nicky HAYDEN | Ducati Team | Ducati | +32.953 |
8 | 8 | 29 | Andrea IANNONE | Energy T.I. Pramac Racing | Ducati | +35.062 |
9 | 7 | 4 | Andrea DOVIZIOSO | Ducati Team | Ducati | +35.104 |
10 | 6 | 14 | Randy DE PUNIET | Power Electronics Aspar | ART | +37.426 |
11 | 5 | 41 | Aleix ESPARGARO | Power Electronics Aspar | ART | +46.099 |
12 | 4 | 5 | Colin EDWARDS | NGM Mobile Forward Racing | FTR Kawasaki | +48.149 |
13 | 3 | 68 | Yonny HERNANDEZ | Ignite Pramac Racing | Ducati | +49.911 |
14 | 2 | 8 | Hector BARBERA | Avintia Blusens | FTR | +49.998 |
15 | 1 | 9 | Danilo PETRUCCI | Came IodaRacing Project | Ioda-Suter | +58.718 |
16 | 23 | Luca SCASSA | Cardion AB Motoracing | ART | +58.791 | |
17 | 71 | Claudio CORTI | NGM Mobile Forward Racing | FTR Kawasaki | +1'08.105 | |
18 | 70 | Michael LAVERTY | Paul Bird Motorsport | ART | +1'27.230 | |
19 | 52 | Lukas PESEK | Came IodaRacing Project | Ioda-Suter | +1'31.093 | |
20 | 7 | Hiroshi AOYAMA | Avintia Blusens | FTR | 1 круг | |
21 | 50 | Damian CUDLIN | Paul Bird Motorsport | PBM | 2 круга | |
Исклучени | ||||||
67 | Bryan STARING | GO&FUN Honda Gresini | FTR Honda | 0 круга | ||
93 | Marc MARQUEZ | Repsol Honda Team | Honda | 0 круга |
До крајот на шампионатот ни преостануваат само уште две трки, следниот викенд се вози трката на Мотеги во Јапонија, и секако последната трка која се вози на 10-ти ноември на патеката Валенсија во Шпанија.
Во генералниот пласман сега Лоренцо има негатива од само 18 поени зад Маркез, а во игра за титулата се врати и Педроса на кого сега му недостигаат 34 поени. Не очекува навистина возбудлив крај на шампионатот кој не сакате да го пропуштите, дали ќе успее Маркез во првиот обид да ја освои титулата? Останува да видиме...