Валентино Роси дојде до 109 победа во кариерата на трката за ГН на Катар која се возеше на патеката Лосаил.
Валентино Роси дојде до 109 победа во кариерата на трката за ГН на Катар која се возеше на патеката Лосаил.
Следевме возбудлива трка од почетокот до самиот крај, онаква каква што само можевме да посакаме за стартот на новата сезона во МотоГП шампионатот. Валентино Роси на Јамаха дојде до победа, а зад него финишираа возачите на Дукати Андреа Довициозо и Андреа Јанон.
Иако се очекуваше за победата да се вмешаат и возачите на Хонда, имајќи во предвид дека актуелниот шампион Марк Маркез имаше најдобри резултати на подготвителните тренинзи, сепак следевме трка помеѓу Дукати и Јамаха. Довициозо и Јанон беа фантастични, а нивните мотори едноставно летаа по правецот на Лосаил. За да следиме возбудлива трка до самиот финиш се погрижија Хорхе Лоренцо и Валентино Роси кои заедно со возачите на дукати се менуваа на челната позиција. На крајот борбата за првата позиција остана помеѓу Роси и Довициозо, борба која му припадна на Докторот со што на своето конто во генералниот пласман прокнижа 25 бода.
Марк Маркез направи грешка во првиот свиок кој го врати назад на 20-та позиција, за потоа возач по возач, неколкупати и двајца наеднаш, да дојде на крајот до петтата позиција. Сепак Хондата беше далеку од темпото на Дукати и Јамаха, тоа го покажа и Дани Педроса кој на крајот финишираше како шести.
Солидна трка следевме и од Кал Крачлоу кој со својата CWM LCR Honda заврши зад Педроса, а пред Бредли Смит. Пол Еспергаро и Јони Хернандез ги комплетираат првите 10 на денешната трка. Сузуки иако имаше одлични времиња во подготвителниот период на трката Алеш Еспергаро заврши само 11-ти, а Маверик Вињалес 14-ти.
Во продолжение следуваа комплетните резултати од денешната трка
Поз. | Поени | Бр. | Возач | Земја | Тим | Мотор | Време |
---|---|---|---|---|---|---|---|
1 | 25 | 46 | Valentino ROSSI | ITA | Movistar Yamaha MotoGP | Yamaha | 42'35.717 |
2 | 20 | 4 | Andrea DOVIZIOSO | ITA | Ducati Team | Ducati | +0.174 |
3 | 16 | 29 | Andrea IANNONE | ITA | Ducati Team | Ducati | +2.250 |
4 | 13 | 99 | Jorge LORENZO | SPA | Movistar Yamaha MotoGP | Yamaha | +2.707 |
5 | 11 | 93 | Marc MARQUEZ | SPA | Repsol Honda Team | Honda | +7.036 |
6 | 10 | 26 | Dani PEDROSA | SPA | Repsol Honda Team | Honda | +10.755 |
7 | 9 | 35 | Cal CRUTCHLOW | GBR | CWM LCR Honda | Honda | +12.384 |
8 | 8 | 38 | Bradley SMITH | GBR | Monster Yamaha Tech 3 | Yamaha | +12.914 |
9 | 7 | 44 | Pol ESPARGARO | SPA | Monster Yamaha Tech 3 | Yamaha | +13.031 |
10 | 6 | 68 | Yonny HERNANDEZ | COL | Pramac Racing | Ducati | +17.435 |
11 | 5 | 41 | Aleix ESPARGARO | SPA | Team SUZUKI ECSTAR | Suzuki | +19.901 |
12 | 4 | 9 | Danilo PETRUCCI | ITA | Pramac Racing | Ducati | +24.432 |
13 | 3 | 45 | Scott REDDING | GBR | EG 0,0 Marc VDS | Honda | +32.032 |
14 | 2 | 25 | Maverick VIÑALES | SPA | Team SUZUKI ECSTAR | Suzuki | +33.463 |
15 | 1 | 8 | Hector BARBERA | SPA | Avintia Racing | Ducati | +33.625 |
16 | 6 | Stefan BRADL | GER | Athinà Forward Racing | Yamaha Forward | +33.944 | |
17 | 69 | Nicky HAYDEN | USA | Aspar MotoGP Team | Honda | +38.970 | |
18 | 50 | Eugene LAVERTY | IRL | Aspar MotoGP Team | Honda | +46.570 | |
19 | 63 | Mike DI MEGLIO | FRA | Avintia Racing | Ducati | +59.211 | |
20 | 15 | Alex DE ANGELIS | RSM | Octo IodaRacing Team | ART | +1'14.981 | |
21 | 33 | Marco MELANDRI | ITA | Aprilia Racing Team Gresini | Aprilia | +1'48.143 | |
22 | 76 | Loris BAZ | FRA | Athinà Forward Racing | Yamaha Forward | 3 круга | |
Без пласман | |||||||
17 | Karel ABRAHAM | CZE | AB Motoracing | Honda | 1 круг | ||
43 | Jack MILLER | AUS | CWM LCR Honda | Honda | 1 круг | ||
Не го завршија првиот круг | |||||||
19 | Alvaro BAUTISTA | SPA | Aprilia Racing Team Gresini | Aprilia | 0 круга |
Следната трка се вози за две недели (12. април) на патеката „Circuit of the Americas“ во Остин, Тексас (САД)